امریکہ نے اسرائیل کو 20 ارب ڈالر کا اسلحہ فروخت کرنے کی منظوری دیدی

واشنگٹن : امریکی وزیر خارجہ انٹونی بلنکن نے اسرائیل کو 20 ارب ڈالر کے اسلحے کی فروخت کی منظوری دے دی ہے۔ اس معاہدے کے تحت امریکہ اسرائیل کو 50 سے زائد جدید ترین F-15 فائٹر جیٹ طیارے، میزائل، ٹینک اور دیگر فوجی سازوسامان فراہم کرے گا۔ 

امریکی حکام کے مطابق اسلحے کی فراہمی کا عمل شروع ہونے میں کم از کم ایک سال لگ سکتا ہے۔ یہ معاہدہ دونوں ممالک کے درمیان گہرے دفاعی تعلقات کی ایک اور مثال ہے۔

واضح رہے کہ امریکہ اسرائیل کو اسلحے کی فراہمی کا عمل گذشتہ کئی دہائیوں سے جاری ہے۔ ماضی میں بھی کئی بار ایسے الزامات لگ چکے ہیں کہ اسرائیل نے امریکہ سے حاصل کردہ اسلحہ کا استعمال غزہ کی پٹی پر حملوں میں کیا ہے۔