سابق آئی جی جیل خانہ جات شاہد سلیم بیگ سمیت متعدد افراد گرفتار

لاہور: سابق آئی جی جیل خانہ جات شاہد سلیم بیگ کو حساس اداروں نے حراست میں لے لیا ہے۔ ذرائع کے مطابق انہیں حساس اداروں سے قریبی تعلقات رکھنے کے الزام میں گرفتار کیا گیا ہے۔

شاہد سلیم بیگ پانچ سال تک پنجاب کے آئی جی جیل خانہ جات رہے اور عمران خان کے جیل جانے سے قبل ریٹائر ہوئے تھے۔ انہیں ان کی سرکاری رہائش گاہ سے گرفتار کیا گیا ہے۔

اس کے علاوہ اڈیالہ جیل کے سابق ڈپٹی سپرنٹنڈنٹ ظفر سے بھی تحقیقات شروع کر دی گئی ہیں۔ ڈی آئی جی جیل راولپنڈی کے دفتر سے ایک آفس سپرنٹنڈنٹ ناظم علی شاہ سے بھی پوچھ گچھ کی جا رہی ہے۔ ڈپٹی سپرنٹنڈنٹ محمد اکرم کا اردلی، اڈیالہ جیل کا ایک وارڈر اور ہیڈ وارڈر بھی حراست میں ہیں۔

ابھی تک اس گرفتاری کی واضح وجہ سامنے نہیں آئی ہے۔ تاہم ذرائع کا کہنا ہے کہ یہ گرفتاریاں حساس اداروں سے قریبی تعلقات اور ممکنہ طور پر کسی اور نوع کی گھنائونی سرگرمیوں کی وجہ سے کی گئی ہیں۔