صحت
اگر کسی میں منکی پاکس کی علامات ظاہر ہوں تواسے آئیسولیٹ ہونا چاہیے، ڈاکٹر مختار ملک
بخار، جسم میں درد، غدود کا بڑھ جانا ایم پاکس کی علامات ہیں،پی ایم کوآرڈینیٹر برائے صحت
![اگر کسی میں منکی پاکس کی علامات ظاہر ہوں تواسے آئیسولیٹ ہونا چاہیے، ڈاکٹر مختار ملک](/media/115178/conversions/171445382a9896c-1280x720.jpg)
وزیراعظم کے کوآرڈینیٹر برائے صحت ڈاکٹر مختار ملک کا کہنا ہے کہ اگر کسی میں منکی پاکس کی علامات ظاہر ہوں تواسے آئیسولیٹ ہونا چاہیے۔
اسلام آباد میں پریس کانفرنس کرتے ہوئے ڈاکٹر مختار احمد نے کہا کہ وزیراعظم شہباز شریف کو ائیرپورٹس اور بارڈر پرانتظامات سےمتعلق آگاہ کیا ہے، انہیں منکی پاکس کی ٹیسٹنگ لیبارٹریز،کٹ اور ادویات سےمتعلق بریفنگ دی گئی، وزیراعظم نے اس حوالے سے اقدامات کی ہدایات دی ہیں۔
ڈاکٹر مختار احمد نے بتایا کہ منکی پاکس کی جنوبی افریقا میں انسانوں میں تشخیص 1970 ہوئی تھی،آج تک دنیا میں ایم پاکس 99 ہزار لوگوں میں پازیٹو آچکے ہیں جب کہ عالمی ادارہ صحت نےمنکی پاکس کو عالمی خطرہ قرار دیا ہے اور اس کی ویکسین سے انکار کیا ہے۔
انہوں نے مزید کہا کہ منکی پاس کے پنجاب سے 4، خیبرپختونخواسے 3 کیسز رپورٹ ہوئے جب کہ بلوچستان اور سندھ سے ایک ایک کیس رپورٹ ہوا ہے، اس کی علامات 4 سے 15 روز میں ظاہر ہوتی ہیں، بخار، جسم میں درد، غدود کا بڑھ جانا ایم پاکس کی علامات ہیں، ایم پاکس سے کم قوت مدافعت والے بچے سے زیادہ متاثر ہوتے ہیں، اگر کسی میں منکی پاکس کی علامات ظاہر ہوں تواسے آئسولیٹ ہونا چاہیے۔
ڈاکٹر مختار کا کہنا تھا کہ خارش سے اسکن میں کوئی انفیکشن ہو تو اس سے بیماری ٹرانسفر ہوسکتی ہے، اس میں بخار والی ادویات کا استعمال کیا جاسکتا ہے جب کہ مرض کے شدت اختیارکرنےپراینٹی وائرس ادویات کا استعمال کیاجاسکتاہے۔
پاکستان
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
شہباز شریف دن رات تمام محاذوں پر محنت کر رہے ہیں،ڈپٹی وزیر اعظم
![ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار](/media/116033/conversions/832973_22009854-1280x720.jpg)
وزیر خارجہ و ڈپٹی وزیر اعظم اسحاق ڈار نے کہا ہے کہ ملک کے ساتھ غداری کرنے والوں کا انجام بڑا بھیانک ہوتا ہے، ماضی میں لک دو لخت ہوا اور ہم نے آدھا حصہ گنوا دیا۔
داتا دربار میں میڈیا سے گفتگو کرتے ہوئے وزیر خارجہ اسحاق ڈار کا کہنا تھا کہ پاکستان کلمے کی بنیاد پر بنا ہے، ماضی میں ملک دو لخت ہوا، ہم نے آدھا حصہ گنوا دیا، جنہوں نے ملک کو دولخت کیا ان کا حال بہت برا ہوا۔ شہباز شریف دن رات تمام محاذوں پر محنت کر رہے ہیں، ہم معیشت اور تعلقات بحال کر رہے ہیں۔
انہوں نے کہا کہ پاکستان کی خدمت کرکے نوکری کررہا ہوں، میں کبھی عہدوں کے پیچھے نہیں بھاگا، اللہ کا فضل ہے پہلے بھی وزیر خزانہ رہا،اس بار مجھے کئی ذمہ داریاں ملی ہیں، ڈپلومیٹک طور پر کہتے تھے پاکستان تنہائی کا شکار ہوگیا ہے، ہم نے نوازشریف کی قیادت میں پاکستان کو دنیا کی 24ویں بڑی معیشت بنایا تھا۔
اسحاق ڈار کا کہنا تھا کہ ہماری پچھلی حکومت کے بعد اگلے 4سال میں پاکستان 47ویں معیشت بن گیا، کہا جاتا تھا پاکستان کو بھنور سے نکلنے میں 15سال لگیں گے، نواز شریف کی حکومت میں اللہ کے فضل سے پاکستان کو مشکلات سے نکلنے میں صرف ساڑھے 3سال لگے۔
ان کا کہنا تھا شہباز شریف کی قیادت میں معیشت دوبارہ بحال ہوگی،ہم لوگوں کیلئے کام کریں گے، وزیراعلیٰ پنجاب مریم نواز کا اقدام لائق تحسین ہے انہوں نے 2 ماہ کیلئے عوام کو بجلی بلوں میں 46 ارب روپے کا ریلیف د یا ہے۔
صحت
اسلام آباد کی ضلعی انتظامیہ کا پانچ روزہ انسداد پولیو مہم 9 ستمبر سےشروع کرنے کا فیصلہ
مہم کے دوران پورے خطے میں 4 لاکھ 21 ہزار 455 بچوں کو پولیو سے بچاؤ کے قطرے پلائے جائیں گے
![اسلام آباد کی ضلعی انتظامیہ کا پانچ روزہ انسداد پولیو مہم 9 ستمبر سےشروع کرنے کا فیصلہ](/media/116039/conversions/polio-1280x720.jpg)
اسلام آباد کی ضلعی انتظامیہ نے پانچ روزہ انسداد پولیو مہم 9 ستمبر سےشروع کرنے کا فیصلہ کیا ہے۔
ڈپٹی کمشنر اسلام آباد عرفان نواز میمن نے انسداد پولیو مہم کے انتظامات کا جائزہ لینے کے لیے اجلاس کی صدارت کی۔مہم کے دوران پورے خطے میں 4 لاکھ 21 ہزار 455 بچوں کو پولیو سے بچاؤ کے قطرے پلائے جائیں گے۔
ابتدائی مرحلہ 9 ستمبر سے 13 ستمبر تک چلے گا، 14 اور 15 ستمبر تک باقی رہ جانے والے بچوں کو پولیو کے قطرے پلائے جائیں گے ۔اجلاس کا ایک اہم فوکس پولیو ٹیموں کی سکیورٹی ہے جو شہر کے ہر علاقے اور گھر گھر کا احاطہ کرنے کے لیے ڈور ٹو ڈور وزٹ کریں گی ۔
شہریوں سے اپیل کی جاتی ہے کہ وہ ٹیموں کے ساتھ تعاون کریں اور اپنے بچوں کو ضروری پولیو کے قطرے پلانے کو یقینی بنائیں۔یہ اقدام پولیو کے خاتمے کے لیے اسلام آباد کی جاری کوششوں کا حصہ ہے جس کا مقصد حفاظتی ٹیکوں کی مکمل کوریج اور پولیو سے پاک مستقبل ہے۔
پاکستان
پی ٹی آئی کا 27 اگست کو لاہور میں ہونے والا جلسہ بھی ملتوی
پی ٹی آئی نے ڈی سی لاہور کے خلاف توہین عدالت کی درخواست دائر کرنے کا اعلان بھی کردیا ہے
![پی ٹی آئی کا 27 اگست کو لاہور میں ہونے والا جلسہ بھی ملتوی](/media/116035/conversions/832996_61256267-1280x720.jpg)
پاکستان تحریک انصاف (پی ٹی آئی) کا اسلام آباد کے بعد 27 اگست کو لاہور میں ہونے والا جلسہ بھی ملتوی ہوگیا۔ پی ٹی آئی نے ڈی سی لاہور کے خلاف توہین عدالت کی درخواست دائر کرنے کا اعلان بھی کردیا ہے۔
پی ٹی آئی رہ نما شوکت بسرا کا کہنا ہے کہ پی ٹی آئی تمام توجہ اسلام آباد جلسے پر رکھے گی، اسلام آباد کے بعد لاہور جلسے کی تاریخ کا اعلان ہوگا۔
تحریک انصاف لاہور کی قیادت کے میدان میں موجود نہ ہونے کی وجہ سے جلسے کی تیاریاں بھی نہیں ہوسکیں، پی ٹی آئی نے لاہور میں 27 اگست کو جلسے کا اعلان کر رکھا تھا لیکن تاحال انتظامیہ کی جانب سے تحریک انصاف کو جلسے کے لیے باضابطہ اجازت نہیں ملی۔
پی ٹی آئی کی جانب سے ڈی سی لاہور کو پانچویں درخواست جمع کرادی گئی ہے، پی ٹی آئی سینٹرل پنجاب کے سنیئر نائب صدر اکمل خان باری نے درخواست جمع کرائی۔
پی ٹی آئی سینٹرل پنجاب کے سنیئر نائب اکمل خان نے الزام عائد کیا کہ ڈی سی لاہورہائیکورٹ کے احکاماتِ کے باوجود تاحال جلسہ گاہ کی جگہ کے بارے میں آگاہ نہیں کر رہے، ڈی سی لاہور کو عدالتی آرڈر کی کاپی بھی جمع کرائی گئی ہے۔
قبل ازیں، رہنما پی ٹی آئی خرم کھوسہ نے کہا تھا کہ ہم نے جلسہ ملتوی نہیں کیا لیکن انتظامیہ تاحال جلسے کے لیے جگہ مختص نہیں کر رہی۔
-
پاکستان ایک دن پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
تجارت ایک دن پہلے
سونے کی اُڑان ،نئی تاریخ رقم!
-
علاقائی 2 دن پہلے
سرگودھا : موٹر وے پر 4 کار سوار پر اسرار طور پر ہلاک
-
دنیا 2 دن پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
پاکستان ایک دن پہلے
اسلام آباد : بلدیاتی الیکشن مؤخر ہونے کا خطرہ
-
علاقائی 2 دن پہلے
سندھ حکومت کا چہلم حضرت امام حسینؓ پر سکولوں میں تعطیل کا اعلان
-
تجارت 2 دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
دنیا 3 گھنٹے پہلے
بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا