ایران کے صدارتی انتخابات، 4 امیدواروں کے درمیان مقابلہ

غیر ملکی خبررساں ادارے کے مطابق ایران  کے صدارتی انتخابات میں چار میں سے دو امیدواروں کے درمیان کانٹے کا مقابلہ ہے ۔ صدارتی امیدواروں کی دوڑ میں ابراہیم رئیسی  مضبوط ترین امیدوار ہیں ۔ جبکہ ان کے مقابلے میں عبدالناصر ہمتی بھی مضبوط ترین امیدوار ہیں ۔ ایرانی صدارتی انتخابات میں 7 امیدواروں نے حصہ لیا تھا ، تاہم 3امیدواروں نے اپنے کاغذات نامزدگی واپس لے لیے تھے ، جس کے بعد اب  4 امیدواروں کے درمیان مقابلہ ہورہا ہے ۔

ایرانی صدارتی عہدے کے لیے امیدوار کو 51 فیصد ووٹ حاصل کرنا ضروری ہوتے ہیں ۔جبکہ دیگر 2 امیدواروں میں  محسن رضائی اور ڈاکٹر امیر حسین غازی شامل ہیں ۔ ایرانی سپریم لیڈر آیت اللہ خامنہ ای نے عوام پر زور دیا ہے کہ وہ ہر صورت اپنی رائے کا اظہار کریں۔

سیاسی ماہرین کے مطابق  نئے ایرانی صدر کو امریکہ سے نیو کلیئر ڈیل کے معاملات کو طے کرنے کے ساتھ ساتھ ایرانی معیشت کو مضبوط کرنے جیسے کئی چیلنجز کا سامنا کرنا ہوگا۔