پی ٹی آئی لاہور کی نئی ایگزیکٹو کونسل کا اعلان

لاہور :پاکستان تحریک انصاف (پی ٹی آئی) نے لاہور کی 43 رکنی ایگزیکٹو کونسل کا اعلان کر کے پارٹی تنظیم کو مزید مضبوط بنانے کی جانب ایک اہم قدم اٹھا لیا ہے۔

پی ٹی آئی لاہور کے صدر شیخ امتیاز نے جاری کردہ نوٹیفکیشن کے مطابق نئی ایگزیکٹو کونسل میں پارٹی کے سینئر رہنماؤں، منتخب ارکان اسمبلی اور ٹکٹ ہولڈرز کو شامل کیا گیا ہے۔

اس کونسل میں سردار لطیف کھوسہ، عالیہ حمزہ، شہزاد فاروق، عثمان حمزہ جیسے بااثر رہنماؤں کے علاوہ، علی اعجاز بٹر، افضال عظیم پاہٹ، رانا جاوید، جاوید عمر اور ملک توصیف عباس کھوکھر جیسے پارٹی کے دیگر اہم ارکان بھی شامل ہیں۔

یاسر گیلانی، اویس انجم، علی امتیاز وڑائچ، حافظ فرحت عباس، سلمان اکرم راجہ اور ڈاکٹر یاسمین راشد سمیت میاں اسلم اقبال، چودھری اصغر گجر، احمر بھٹی، اعظم خان نیازی اور عظیم اللہ خان کو بھی ایگزیکٹو کونسل کا رکن بنایا گیا ہے۔

اس کے علاوہ فرخ جاوید، شبیر احمد، یوسف میو، خالد گجر، ندیم عباس بارا اور ہارون اکبر کو بھی کونسل میں شامل کیا گیا ہے۔