جرم
خیرپور: زہریلے دودھ سے ایک ہی خاندان کے 6 افراد جاں بحق
پولیس نے لاشیں قبضے میں لے کر پوسٹ مارٹم کے لیے بھیج دی ہیں اور واقعے کی تحقیقات شروع کر دی ہیں
![خیرپور: زہریلے دودھ سے ایک ہی خاندان کے 6 افراد جاں بحق](/media/115323/conversions/Milk-1280x720.jpg)
خیرپور : پیرجو گوٹھ کے گاوں ہیبت خان بروہی میں ایک دل دہلا دینے والے واقعے میں زہریلے دودھ پینے سے ایک ہی خاندان کے 6 افراد جاں بحق ہو گئے ہیں۔ پولیس کے مطابق، متاثرہ افراد میں دو معصوم بچے بھی شامل ہیں۔
واقعے کی تفصیلات کے مطابق متاثرہ خاندان نے مقامی دودھ فروش سے دودھ خریدا تھا۔ دودھ پینے کے بعد خاندان کے تمام افراد بیمار پڑ گئے اور انہیں فوری طور پر قریبی ہسپتال منتقل کیا گیا جہاں ڈاکٹروں نے انہیں مردہ قرار دے دیا۔
پولیس نے لاشیں قبضے میں لے کر پوسٹ مارٹم کے لیے بھیج دی ہیں اور واقعے کی گہرائی سے تحقیقات شروع کر دی ہیں۔ ابتدائی تحقیقات سے پتہ چلا ہے کہ دودھ میں زہریلی مادے کی موجودگی ہی اس سانحے کی وجہ بنی ہے۔ پولیس حکام کا کہنا ہے کہ وہ اس بات کی جانچ کر رہے ہیں کہ دودھ میں زہریلی مادہ کیسے پہنچا اور اس کے ذمہ دار کون ہیں۔
متاثرہ خاندان کی حالت زار انتہائی افسوسناک ہے۔ اس سانحے نے پورے گاؤں میں غم و غصہ کی لہر دوڑا دی ہے۔
علاقے میں دودھ کی فروخت پر نظر رکھنے والے اداروں کی کارکردگی پر بھی سوالات اٹھ رہے ہیں۔ عوام کا مطالبہ ہے کہ اس واقعے کی مکمل اور شفاف تحقیقات کی جائے اور ذمہ دار افراد کو قانون کے کٹہرے میں لایا جائے۔ علاقہ مکینوں کا کہنا ہے کہ اس طرح کے واقعات کو روکنے کے لیے سخت اقدامات کی ضرورت ہے۔
علاقائی
سندھ حکومت کا چہلم حضرت امام حسینؓ پر سکولوں میں تعطیل کا اعلان
سکولوں میں تعطیل صوبائی محکمہ تعلیم کی اسٹیئرنگ کمیٹی کے فیصلے کی روشنی میں کی گئی ہے
![سندھ حکومت کا چہلم حضرت امام حسینؓ پر سکولوں میں تعطیل کا اعلان](/media/115822/conversions/news-1724408468-9938-1280x720.jpg)
سندھ حکومت نے چہلم حضرت امام حسینؓ پر سکولوں میں تعطیل کا اعلان کردیا۔
سکولوں میں تعطیل صوبائی محکمہ تعلیم کی اسٹیئرنگ کمیٹی کے فیصلے کی روشنی میں کی گئی ہے، سندھ صوبائی محکمہ تعلیم نے چہلم حضرت امام حسینؓ کے موقع پر پیر 26 اگست کو صوبے کے تمام سرکاری و پرائیوٹ سکولوں میں تعطیل دی۔
پاکستان
ن لیگ اور پیپلزپارٹی کی مشترکہ کمیٹی کا اجلاس 25 اگست کو ہو گا
پنجاب میں پیپلزپارٹی کے پارلیمانی لیڈر علی حیدر گیلانی کا کہنا ہے کہ گورنر ہاؤس میں طلب کی جانے والی میٹنگ میں پاور شیئرنگ کے وعدوں پر عمل درآمد کا جائزہ لیا جائے گا
![ن لیگ اور پیپلزپارٹی کی مشترکہ کمیٹی کا اجلاس 25 اگست کو ہو گا](/media/115834/conversions/1236018_6777411_1_akhbar-1280x720.jpg)
وزیر اعظم شہباز شریف اور چیئرمین پیپلزپارٹی بلاول بھٹو زرداری کی ملاقات کے بعد اہم پیش رفت سامنے آئی ہے۔
مشترکہ اجلاس میں پیپلز پارٹی کی جانب سے راجہ پرویز اشرف، ندیم افضل چن، حسن مرتضیٰ اور علی حیدر گیلانی شریک ہوں گے۔
پاکستان مسلم لیگ ن اور پیپلزپارٹی کی مشترکہ کمیٹی کا اجلاس 25 اگست کو دوپہر 2 بجے گورنر ہاؤس میں طلب کر لیا گیا، مذاکراتی کمیٹی میں نائب وزیراعظم اسحاق ڈار، مریم اورنگزیب اور ملک احمد خان شریک ہوں گے۔
پنجاب میں پیپلزپارٹی کے پارلیمانی لیڈر علی حیدر گیلانی کا کہنا ہے کہ گورنر ہاؤس میں طلب کی جانے والی میٹنگ میں پاور شیئرنگ کے وعدوں پر عمل درآمد کا جائزہ لیا جائے گا، پیپلز پارٹی کے تحفظات بھی اجلاس میں زیر غور آئیں گے، معاہدے کے باقی نکات پر بھی عملدرآمد کیلئے ٹائم فریم طے کیا جائے گا۔
صحت
پشاور ایئرپورٹ پر منکی پاکس کا دوسرا کیس، وزارت صحت کی تصدیق
پشاور ایئرپورٹ پر قائم ہیلتھ ڈیسک نے مریض کا فوری طور پر ٹیسٹ کیا جو مثبت آیا اور مریض کو فوری طور پر ہسپتال منتقل کر دیا گیا
![پشاور ایئرپورٹ پر منکی پاکس کا دوسرا کیس، وزارت صحت کی تصدیق](/media/115813/conversions/MonkeyPox-1280x720.jpg)
اسلام آباد: وزارت صحت نے منکی پاکس کا ایک اور کیس رپورٹ ہونے کی تصدیق کر دی۔
وزارت صحت کے ترجمان کے مطابق پاکستان میں منکی پاکس کا یہ دوسرا کیس ہے، جس میں مریض خلیجی ممالک سے علامات کے ساتھ آیا تھا۔
پشاور ایئرپورٹ پر قائم ہیلتھ ڈیسک نے مریض کا فوری طور پر ٹیسٹ کیا جو مثبت آیا اور مریض کو فوری طور پر ہسپتال منتقل کر دیا گیا۔
وزیراعظم کے کوآرڈینٹر برائے صحت ڈاکٹر مختار احمد بھرت نے بتایا کہ وزارت صحت صورتحال پر گہری نظر رکھے ہوئے ہے۔
انہوں نے مزید کہا کہ تمام ایئرپورٹس پر اسکریننگ اور سرویلنس کا موثر نظام قائم کیا گیا ہے ۔عوام کو وباؤں سے محفوظ رکھنے کے لیے سنجیدہ اقدامات کیے جا رہے ہیں۔
-
علاقائی 6 گھنٹے پہلے
سرگودھا : موٹر وے پر 4 کار سوار پر اسرار طور پر ہلاک
-
پاکستان ایک دن پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
پاکستان 22 گھنٹے پہلے
آپریشن عزم استحکام کیلئے 20 ارب روپے گرانٹ کی منظوری
-
پاکستان 2 دن پہلے
پنجاب میں 22 سے 24 اگست تک دفعہ 144 نافذ
-
پاکستان ایک دن پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
علاقائی 4 گھنٹے پہلے
سندھ حکومت کا چہلم حضرت امام حسینؓ پر سکولوں میں تعطیل کا اعلان
-
جرم 9 گھنٹے پہلے
کارساز حادثے کی ایک اور سی سی ٹی وی فوٹیج سامنے آگئی
-
تجارت ایک دن پہلے
رواں سال دسمبر تک تمام کرنسی نوٹوں کو تبدیل کرنے کا فیصلہ