GNN on Google Play Store GNN on Apple App Store
جی این این سوشل

تجارت

پاکستان کے بجٹ کا آدھا حصہ ملکی قرضوں کی نظر ہوجاتا ہے ، وزیر منصوبہ بندی

احسن اقبال نے مزید کہا   ملکی ترقی کے لیے امن کیساتھ پالیسیوں میں استحکام اورتسلسل ناگزیر ہے ،پاکستان نے نیوکلیئر پروگرام میں معجزہ کر دکھایا تھا تو معاشی میدان میں بھی کر سکتا ہے
4 دن پہلے

پر شائع ہوا

کی طرف سے

پاکستان کے بجٹ کا آدھا حصہ ملکی قرضوں کی نظر ہوجاتا ہے ، وزیر منصوبہ بندی
جی این این میڈیا: نمائندہ تصویر

وفاقی  وزیر برائے منصوبہ بندی احسن اقبال  کا کہنا ہے پاکستان کے کل بجٹ کل بجٹ کا 50 فیصد قرضوں کی ادائیگی میں چلا جاتا ہے ۔  

 تفصیلات کے مطابق وفاقی وزیر منصوبہ بندی احسن اقبال  نے نیشنل سکول آف پبلک پالیسی لاہور میں فوڈ  سیکیورٹی کانفرنس سے خطاب  کرتے  ہوئے کہا  فوڈ سیکورٹی قومی سیکورٹی اور ترقی کا اہم ستون ہے،  موسمیاتی تبدیلی نے زراعت کے روایتی طریقوں پر اثر ڈالا ہے،ہم آبادی کے بڑھنے کے بم پہ بیٹھے ہیں،  2017 تک آبادی میں اضافہ کی شرح کم ہو رہی تھی اب بڑھنا شروع ہو گئی ہے۔  

انہوں نے کہا  ملک کو پانی کی کمی کا بھی خطرہ ہے جو مستقبل میں فوڈ سیکیورٹی  کیلئے خطرہ بن سکتا ہے، 2022 کے سیلاب سے 30 ارب ڈالر کا نقصان ہوا،اس وقت ملک 2018 کی تبدیلی کے پیدہ کردہ معاشی بحران کا سامنا کر رہا ہے ، کل بجٹ کا 50 فیصد قرضوں کی ادائیگی میں چلا جاتا ہے، پاکستان زرعی اجناس کی پیداوار میں پہلے دس ممالک میں آتا ہے مگر پیداواریت کی شرح میں کم ترین ہے، نئے بیج، ٹیکنالوجی اور جدید زراعت کے طریقوں کو اپنا رہے ہیں ، ہمارا ملک تمام نعمتوں سے مالا مال ہے، ہمیں پاکستان کو دوبارہ ترقی کی ریس میں کامیاب کرنا ہے، جس طرح ارشد ندیم نے گولڈ میڈل لیا وہ پوری قوم کے لئے مشعل راہ ہے ۔ 

احسن اقبال نے مزید کہا   ملکی ترقی کے لیے امن کیساتھ پالیسیوں میں استحکام اورتسلسل ناگزیر ہے ،پاکستان نے نیوکلیئر پروگرام میں معجزہ کر دکھایا تھا تو معاشی میدان میں بھی کر سکتا ہے، ایٹمی پروگرام میں کامیابی مشن کی یکسوئی، قیادت کے استحکام، میرٹ، اور انسانی وسائل کی ترقی سے حاصل ہوئی، اس وقت ہم جس مقام پر ہیں ہمیں بحیثیت سنجیدگی سے سوچنا ہوگا کہ آگے کیسے بڑھنا ہے ، ہم نے ماضی میں ویژن 2010 ، وژن 2025 جیسے شاندار پلان بنائے مگر سیاسی عدم استحکام کا شکار ہو گئے،  5 ایز فریم ورک کے تحت 2024-29 کے پانچ سالہ ترقیاتی منصوبہ کو حتمی شکل دے رہے ہیں، اب غلطی ، انتشار اور فساد کی گنجائش نہیں ہے، ہمارے پاس تمام علم اور علاج موجود ہے مگر وہ رپورٹوں تک محدود ہے، اب عملدرآمد کے ذریعہ علم اور عمل کے خسارے کو پورا کرنا ہے۔ 

 

پڑھنا جاری رکھیں

دنیا

بھارت : مسلمان نمائندہ تنظیموں نے وقف ترمیمی بل مسترد کردیا

آل انڈیا مسلم پرسنل لاء بورڈ،جمعیت علمائے ہند، جماعت اسلامی اور جمعیت اہل حدیث کے رہنماوں نے نئی دلی میں پریس کانفرنس کے دوران بل کی مخالفت کا اظہار کیا
3 گھنٹے پہلے

پر شائع ہوا

ویب ڈیسک

کی طرف سے

بھارت : مسلمان نمائندہ تنظیموں نے وقف ترمیمی بل مسترد کردیا

بھارت میں مسلمانوں کی نمائندہ تنظیموں نے ''وقف ترمیمی بل دوہزار چوبیس'' کو یکسر مسترد کرتے ہوئے اسے غیر آئینی،غیر جمہوری، غیر منصفانہ اور قانونی شریعت کے منافی قرار دیا۔

آل انڈیا مسلم پرسنل لاء بورڈ،جمعیت علمائے ہند، جماعت اسلامی اور جمعیت اہل حدیث کے رہنماوں نے نئی دلی میں پریس کانفرنس کے دوران بل کی مخالفت کا اظہار کیا۔

آل انڈیا مسلم پرسنل لاء بورڈ کے صدر مولانا خالد سیف اللہ رحمانی نے خبردار کیا کہ اگر ترمیمی بل منظورکیا گیا تو وقف املاک خطرے سے دوچار ہوجائیں گی اور مسلمان اپنے وقف اثاثوں سے محروم ہوسکتے ہیں۔

پڑھنا جاری رکھیں

علاقائی

سرگودھا : موٹر وے پر 4 کار سوار پر اسرار طور پر ہلاک 

کار سے ایک مرد، 2 خواتین اور ایک بچےکی لاش ملی ہے جب کہ کار ڈرائیور عمر قاسم کو بے ہوشی کی حالت میں ہسپتال منتقل کردیا گیا 
6 گھنٹے پہلے

پر شائع ہوا

ویب ڈیسک

کی طرف سے

سرگودھا : موٹر وے پر 4 کار سوار پر اسرار طور پر ہلاک 

سرگودھا میں موٹروے پر 4 کار سوار پر اسرار طور پر ہلا ک ہو گئے۔

تفصیلات کے مطابق سرگودھا میں بھیرہ کے قریب موٹروے پر کھڑی کار سے ایک ہی خاندان کے 4 افراد کی لاشیں ملی ہیں۔ 

ریسکیو حکام کے مطابق کار سے ایک مرد، 2 خواتین اور ایک بچےکی لاش ملی ہے جب کہ کار ڈرائیور عمر قاسم کو بے ہوشی کی حالت میں ہسپتال منتقل کردیا گیا ہے۔

حکام کا مزید کہنا تھا کہ کار سوار فیملی لاہورکی رہائشی ہے اورلاہور سے اسلام آباد جارہی تھی ۔

ریسکیو حکام کے مطابق کافی دیر تک گاڑی موٹروے پر کھڑی دیکھ کر موٹروے پولیس نے ریسکیو 1122 کو طلب کیا جنہوں نے کار کا شیشہ توڑ کر لاشوں کو باہر نکالا۔ 

موٹروے پولیس کے مطابق جاں بحق افراد کے جسم پر تشدد کے کوئی نشانات نہیں ہیں۔ ایک شخص نیم بے ہوشی کی حالت میں ملا جیسے ہسپتال منتقل کر دیا گیا ہے۔ پولیس کا کہنا ہے کہ واقع کی مزید تحقیقات کی جا رہی ہیں۔

 

 

پڑھنا جاری رکھیں

پاکستان

وفاقی وزیر برائے مذہبی اموربین الاقوامی کانفرنس میں شرکت کیلئے قاہرہ پہنچ گئے

پاکستانی سفارتخانہ کی جانب سے جاری بیان کے مطابق مصر میں پاکستان کے سفیر ساجد بلال اور مصری وزارت اوقاف کے اعلیٰ حکام نے آمد پر وفاقی وزیر کا استقبال کیا
27 منٹ پہلے

پر شائع ہوا

ویب ڈیسک

کی طرف سے

وفاقی وزیر برائے مذہبی اموربین الاقوامی کانفرنس میں شرکت کیلئے قاہرہ پہنچ گئے

وفاقی وزیر برائے مذہبی امور و بین المذاہب ہم آہنگی چوہدری سالک حسین مصر میں منعقد ہونے والی سپریم کونسل آف اسلامک افیئرز کی 35ویں بین الاقوامی کانفرنس میں شرکت کے لئے جمعہ کو قاہرہ پہنچ گئے۔

پاکستانی سفارتخانہ کی جانب سے جاری بیان کے مطابق مصر میں پاکستان کے سفیر ساجد بلال اور مصری وزارت اوقاف کے اعلیٰ حکام نے آمد پر وفاقی وزیر کا استقبال کیا۔ یہ بین الاقوامی کانفرنس” آگاہی پیدا کرنے میں خواتین کا کردار” کے موضوع پر منعقد ہو رہی ہے ۔

پڑھنا جاری رکھیں

ٹرینڈنگ

Take a poll