پاکستان
پاکستان کا بیلسٹک میزائل شاہین2 میزائل کا کامیاب تجربہ
صدر مملکت آصف علی زرداری اور وزیراعظم شہباز شریف کی پاک فوج کو مبارکباد
![پاکستان کا بیلسٹک میزائل شاہین2 میزائل کا کامیاب تجربہ](/media/115451/conversions/missile-test-1280x720.jpg)
راولپنڈی : پاکستان نے اپنی دفاعی صلاحیتوں کو مزید تقویت دینے کے سلسلے میں ایک اہم پیش رفت کرتے ہوئے زمین سے زمین تک مار کرنے والے بیلسٹک میزائل شاہین-2 کا کامیاب تجربہ کیا ہے۔
آئی ایس پی آر کے مطابق اس تجربے کا مقصد فوجیوں کی تربیت کو بہتر بنانا اور مختلف آلات کی کارکردگی کو جانچنا تھا۔ اس تجربے کو دیکھنے کے لیے سٹرٹیجک پلان ڈویژن، آرمی سٹرٹیجک فورس کمانڈ کے اعلیٰ افسران، سائنسدان اور انجینئرز موجود تھے۔ ڈی جی ایس پی ڈی نے اس کامیاب تجربے پر سائنسدانوں اور دیگر عملے کی صلاحیتوں کو سراہا۔
اس کامیاب تجربے پر صدر مملکت آصف زرداری اور وزیراعظم شہباز شریف نے بھی پاک فوج کو مبارکباد دی ہے۔ انہوں نے کہا کہ یہ کامیابی پاکستان کی دفاعی صلاحیتوں میں اضافے کا ثبوت ہے۔
شاہین-2 میزائل پاکستان کی دفاعی قوتوں کے لیے ایک اہم اضافہ ہے۔ یہ میزائل اپنی طویل رینج اور درستگی کی وجہ سے دشمن کے لیے ایک بڑا خطرہ ہے۔ اس میزائل کے کامیاب تجربے سے پاکستان کی دفاعی صلاحیتیں مزید مضبوط ہوئیں ہیں۔
جرم
معروف کالم نگار اوریا مقبول جان کا 4 روزہ جسمانی ریمانڈ منظور
وفاقی تحقیقاتی ایجنسی (ایف ائی اے) سائبرکرائم ونگ نے سابق بیوروکریٹ اور اینکر پرسن اوریا مقبول جان کو گرفتارکیا تھا
![معروف کالم نگار اوریا مقبول جان کا 4 روزہ جسمانی ریمانڈ منظور](/media/115713/conversions/2690110-oryamaqbooljaanx-1724302188-434-640x480-1280x720.jpg)
لاہور : لاہور کی ضلعی کچہری نے وفاقی تحقیقاتی ادارے (ایف آئی اے) کے سائبر کرائم مقدمے میں معروف کالم نگار اور تجزیہ کار اوریا مقبول جان کا 4 روزہ جسمانی ریمانڈ منظور کرلیا ہے ۔
یاد رہے کہ ایف آئی اے کی جانب سے اوریا مقبول جان کے 14 روزہ جسمانی ریمانڈ کی استدعا کی گئی تھی ، جس پر ان کے وکیل میاں علی اشفاق نے کہا تھا کہ اوریا مقبول نے کسی کی ادرے کی توہین نہیں کی۔
واضح رہے کہ وفاقی تحقیقاتی ایجنسی (ایف ائی اے) سائبرکرائم ونگ نے سابق بیوروکریٹ اور اینکر پرسن اوریا مقبول جان کو گرفتارکیا تھا ۔
پاکستان
پارٹی کی موجودہ لیڈر شپ کا بانی پی ٹی آئی کو باہر نکالنے کا کوئی ارادہ نہیں ہے ، علیمہ خان
علیمہ خان نے کہا کہ اعظم سواتی نے کس کے کہنے پر بانی پی ٹی آئی کو جلسہ ملتوی کرنے کا پیغام پہنچایا ؟
![پارٹی کی موجودہ لیڈر شپ کا بانی پی ٹی آئی کو باہر نکالنے کا کوئی ارادہ نہیں ہے ، علیمہ خان](/media/115711/conversions/121347547ee724a-1280x720.jpg)
بانی چیئرمین پی ٹی آئی کی بہن علیمہ خان نے کہا ہے کہ پارٹی کی موجودہ لیڈرشپ عمران خان کو جیل سے نکالنا نہیں چاہتی۔
تحریک انصاف کا آج ترنول (اسلام آباد) جلسہ منسوخ ہونے کے معاملے پر علیمہ خان کا سخت ردعمل سامنے آیا، جس میں انہوں نے سوال کیا کہ اعظم سواتی کس کے کہنے پر صبح صبح بانی پی ٹی آئی سے ملنے چلا گیا ؟
علیمہ خان نے کہا کہ اعظم سواتی نے کس کے کہنے پر بانی پی ٹی آئی کو جلسہ ملتوی کرنے کا پیغام پہنچایا ؟ صبح 7:30 بجے اڈیالہ میں عمران خان سے ملاقات کیسے ممکن ہو سکتی ہے ؟ انہوں نے مزید کہا کہ کس کے کہنے پر جلسہ ملتوی کراوایا گیا ہمیں سب معلوم ہے ۔
علیمہ خان کا کہنا تھا کہ کارکنوں کا سامنا کرنے کی ہمت نہیں تھی تو بانی پی ٹی آئی سے فیصلہ کروا دیا۔ موجودہ لیڈر شپ کا ارادہ ہی نہیں ہے بانی پی ٹی آئی کو باہر نکالنے کا۔ پارٹی کا چیئرمین باہر بیٹھا ہے اس نے فیصلہ کیوں نہیں کیا ؟ یہ فیصلے خود کرتے ہیں اور نام عمران خان کا لگا دیتے ہیں۔
پاکستان
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
سربراہ جے یو آئی نے کہا کہ سود کے مسئلے پربھی پوری قوم اورعلمائے کرام متفق ہیں، پاکستان کی سب سے بڑی عدالت نے پارلیمان کے فیصلے کوعزت دی
![مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان](/media/115739/conversions/1369426_5086884_FazalurRahmanAfghanistan_updates-1280x720.jpg)
مولانا فضل الرحمان نے سپریم کورٹ کے فیصلے پرکل یوم تشکرمنانے کا اعلان کر دیا۔
جے یو آئی ف کے سربراہ مولانا فضل الرحمان کا کہنا ہے کہ سپریم کورٹ نے مبارک ثانی کیس کے حتمی فیصلےکا اعلان کیا، سپریم کورٹ نے6فروری،24جولائی کےقابل اعتراض حصوں کوحذف کر دیا۔
سربراہ جے یو آئی ف نے کہا کہ دنیا کی کوئی طاقت عقیدہ ختم نبوت کے خلاف سازش نہیں کر سکتی، سپریم کورٹ اورپارلیمنٹ کا شکریہ ادا کرتا ہوں ، مولانافضل الرحمان نے کہا کہ اس معاملے پرحکومت اوراپوزیشن ایک تھی، سپریم کورٹ کے فیصلے پرخود وفاقی حکومت اپیل میں گئی۔
سربراہ جے یو آئی نے کہا کہ سود کے مسئلے پربھی پوری قوم اورعلمائے کرام متفق ہیں، پاکستان کی سب سے بڑی عدالت نے پارلیمان کے فیصلے کوعزت دی۔
مولانا فضل الرحمان نے مزید کہا کہ امت مسلمہ کی سوچ ایک ہی ہے، انسان سےغلطی ہوسکتی ہے، اہم مسئلے پراحتجاج بھی کرنا پڑتا ہے تاکہ ریاستی ادارے متوجہ ہوں، ہم یہی کہتے ہیں کہ غیرآئینی عمل کوسپورٹ نہ کیاجائے۔
-
پاکستان 2 دن پہلے
ناراضگی کے نام پر دہشتگردی قبول نہیں، اسحاق ڈار
-
پاکستان ایک دن پہلے
پنجاب میں 22 سے 24 اگست تک دفعہ 144 نافذ
-
جرم 2 دن پہلے
کراچی میں کار ساز روڈ حادثہ کی ابتدائی پولیس تحقیقات مکمل
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
پاکستان 10 گھنٹے پہلے
آپریشن عزم استحکام کیلئے 20 ارب روپے گرانٹ کی منظوری
-
پاکستان 14 گھنٹے پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
پاکستان 12 گھنٹے پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
پاکستان ایک دن پہلے
ایران میں پاکستانی زائرین کو بس حادثہ کے زخمیوں کی فہرست جاری