خوارجی دہشت گرد حرام اور قابل مذمت کارروائیوں میں مشغول

خوارجی دہشت گرد حرام اور قابل مذمت کارروائیوں میں مشغول ہیں۔

خوارجی دہشت گردوں کا جہاد کا دعویٰ فریب اور دھوکہ پر مبنی ہے کیونکہ ان کے اقدامات بے گناہ شہریوں کو قتل کرنا اور ساتھی مسلمانوں کو نشانہ بنانا، اسلام کے بنیادی اصولوں کے بالکل متصادم ہیں، جو امن اور انصاف کو ترجیح دیتے ہیں۔

خوارجی دہشت گردوں کے بیانات جاری کرنے کا مقصد مقامی آبادی سے ہمدردی حاصل کرنا اور خود کو معصوم لوگوں کی زندگیوں کے بارے میں فکر مند ظاہر کرنا ہے، جو قطعی  طور پرانکے پُرتشدد اقدامات سے متصادم ہے۔

یہ خوارجی اسلام کو اپنی پرتشدد اور مجرمانہ سرگرمیوں کے لیے ایک لبادے کے طور پر استعمال کر رہے ہیں، یہ دہشت گرد جھوٹے مذہبی نظریات پھیلا کر مذہبی تعلیمات کو مسخ کرکے اور سماجی و اقتصادی مشکلات کا فائدہ اٹھا کر نوجوانوں کا استحصال کرتے ہیں۔

خوارجی دہشت گرد اپنی نام نہاد شہرت کو پہنچنے والے نقصان سے بچنے کی ناکام کوشش کر رہے ہیں لیکن انکی  سفاکیت اور ظلم کی تاریخ ہے، جن میں اسکولوں، مساجد ، بازاروں پر حملے شامل ہیں ۔