پاکستان میں سونے کی قیمت میں نمایاں کمی

پاکستان میں سونے کی قیمت تاریخ کی بلند ترین سطح سے نیچے آگئی۔

آل صرافہ ایسوسیشن کے مطابق  فی تولہ سونےکی قیمت میں 22 سو روپےکی بڑی کمی ریکارڈ کی گئی ہے جس کے بعد ،فی تولہ سونے کی قیمت 2 لاکھ 61 ہزار 500 روپے ہوگئی ہے۔

اس کےعلاوہ 10 گرام سونے کے بھائو 1886 روپےکم ہوکر 2 لاکھ 24 ہزار 194 روپےپرآگئے۔

بین الاقوامی بلین مارکیٹ میں فی اونس سونے کی قیمت 4ڈالر کے اضافے سے 2516ڈالر کی سطح پر آگئی۔

اسکے برعکس فی تولہ چاندی کی قیمت بغیر کسی تبدیلی کے 2950روپے اور دس گرام چاندی کی قیمت بھی بغیر کسی تبدیلی کے 2529.14روپے کی سطح پر مستحکم رہی۔