سعودی ڈرائیونگ لائسنس اب "توکلنا" ایپ پربھی دکھایا جاسکے گا

سعودی خبررساں ادارے کے مطابق محکمہ ٹریفک نے وزارت داخلہ اور ابشر پلیٹ فارم کے تعاون سے نئی سہولت فراہم کی ہے ، اسے " رخصہ فی جوالک " یعنی (ڈرائیونگ لائسنس موبائل میں ) کا نام دیا گیا ہے ۔

اب تک مقامی شہریوں اور غیر ملکیوں کو ڈرائیونگ لائسنس ہمراہ رکھنا ضروری تھا  تاکہ ٹریفک اہلکاروں کے طلب کرنے پر دکھایا جاسکے ۔ اب یہ ضروری نہیں رہا ہے ۔ بلکہ اب توکلنا ایپ کے ذریعے بھی ڈارئیونگ لائسنس چیک کرایا جاسکے گا۔

واضح رہے کہ رواں سال اپریل میں محکمہ ٹریفک نے ابشر افراد اور توکلنا ایپ پر ای ڈرائیونگ لائسنس جاری کیا تھا ، تاہم یہ کہا گیا تھا کہ ٹریفک اہلکاروں کے طلب کیے جانے پر اصل ڈارئیونگ لائسنس دکھایا جائے ۔