پی ایس ایل 6 میں آج چار ٹیمیں مدمقابل ہونگی

تفصیلات کے مطابق پاکستان سپر لیگ6  کا آج پہلا میچ شام چھ بجے شیخ زید انٹر نیشنل سٹیڈیم ابوظہبی میں کوئٹہ گلیڈی ایٹرزاور کراچی کنگز کے درمیان کھیلا جائے گا، کوئٹہ گلیڈی ایٹرز سرفراز احمد کی قیادت میں گراونڈ میں اترے گی جبکہ کراچی کنگز کی قیادت عماد وسیم کریں گے ۔

اگر پوائنٹس کی بات کی جائے تو گلیڈی ایٹرز آخری نمبر پر براجمان ہے جبکہ کراچی کنگز پانچویں پوزیشن پر ہے ۔

دوسرے ٹاکرے میں ملتان سلطانز اور اسلام آباد یونائیٹڈز کا آمناسامنا ہوگا ۔ میچ پاکستانی وقت کے مطابق رات 11 بجے شیخ زید انٹر نیشنل سٹٰیڈیم ابوظہبی میں کھیلا جائے گا ۔

اسلام آباد یونائیٹڈز کے کپتان شاداب خان ہونگے جبکہ ملتان سلطانز کی قیادت محمد رضوان کریں گے۔

 پوائنٹس ٹیبل پر اسلام آباد یونائیٹڈز پہلے نمبر پر ہے جبکہ ملتان سلطانز کا دوسری پوزیشن پر قبضہ ہے ۔