اسلام آباد یونائیٹڈنے ملتان سلطانز کو شکست دے دی

تفصیلات کے مطابق پی ایس ایل 6 کے آخری گروپ میچ میں ملتان سلطانز اور اسلام آباد یونائیٹڈز کا آمنا سامنا ہوا, اسلام آباد یونائیٹڈز نے ٹاس جیت کر پہلے بولنگ کا فیصلہ کیا جو درست ثابت ہوا۔

 ملتان سلطانز کی پوری ٹیم 149 رنز بنا سکی , شان مسعود 59 رنز کے ساتھ نمایاں رہے .ملتان سلطانز کے سات کھلاڑی ڈبل فیگر میں بھی داخل نا ہوسکے ۔اسلام آباد یونائیٹڈز کے محمد وسیم نے عمدہ بولنگ کا مظاہرہ کرتے ہوئے 31رنز کے عوض چار وکٹیں حاصل کیں ۔

ہدف کا تعاقب کرتے ہوئے اسلام آباد یونائیٹڈز کی ٹیم نے 6 وکٹ کے نقصان پر19 اعشاریہ  4 اورز میں ٹارگٹ پورا کر لیا ۔  اسلام آباد یونائیٹڈزکے کپتان شاداب خان 35 رنز کے ساتھ نمایاں کھلاڑی رہے۔ جبکہ اسلام آباد یونائیٹڈز کے محمد وسیم میچ کے بہترین کھلاڑی قرار پائے ۔