سندھ کے سکولوں میں کل سے تعلیمی عمل مکمل بحال ہونے جارہا ہے

 تفصیلات کے 21 جون بروز سوموار سے صوبے بھر کے تمام سکولوں میں تعلیمی عمل مکمل طور پر بحال ہوجائیگا۔

محکمہ تعلیم سندھ کی جانب سے جاری نوٹیفیکیشن کے مطابق اکیس جون سے تمام سرکاری ونجی سکولوں میں پرائمری تا پانچویں جماعت میں عملی طور پر تدریسی عمل شروع ہوجائیگا۔ یہ فیصلہ سندھ کورونا ٹاسک فورس کے اجلاس میں کیا گیا ہے۔

تعلیمی اداروں میں طالبعلم  پچاس فیصد حاضری اور ایس او پیز کے ساتھ عملی طور پر کلاسز لے سکیں گے ۔ جبکہ تدریسی و غیر تدریسی عملے کو کورونا ویکسی نیشن لازمی کرانا ہوگی ۔

واضح رہے کہ پہلے مرحلے میں سندھ بھر میں سات جون کو نویں سے بارہویں اور جامعات میں عملی طور پر تدریسی عمل کا آغاز ہوا تھا جبکہ دوسرے مرحلے میں چھٹی جماعت سے آٹھویں جماعت میں عملی طور پر تعلیمی عمل پندرہ جون سے بحال ہوا تھا ۔