پنشن اصلاحات پر جلد قانون سازی لائیں گے، وزیرخزانہ

اسلام آباد: وزیر خزانہ سینیٹر محمد اورنگزیب کا کہنا ہے کہ پنشن اصلاحات پر جلد قانون سازی لائیں گے،زراعت کے شعبے کا معیشت میں بہت اہم کردار ہے۔

سینیٹ میں وقفہ سوالات کے دوران وزیر خزانہ محمد اوررنگزیب نے کہاہے کہ پنشن ایک بم کی شکل اختیار کر چکی ہے اسے ہر صورت روکنا ہو گا۔پنشن اصلاحات پر جلد قانون سازی لائیں گے۔

وزیر خزانہ کا کہناتھا کہ  زراعت کے شعبے کا معیشت میں بہت اہم کردار ہے، زراعت فنانس کو بڑھانا ہے، لائیو اسٹاک اور ڈیری میں بھی فوکس کریں گے، لائیو اسٹاک اور ڈیری کی بھی فنانسنگ کی ضرورت ہے۔

محمد اورنگزیب نے کہا کہ ٹیکسٹائل کے علاوہ دیگر شعبوں میں برآمدات بڑھانا پڑیں گی، ایکسپورٹس بڑھانے کی پالیسی دی ہے اس پر کام بھی کررہے ہیں۔ہماری گزشتہ سال بچت زراعت کے شعبے سے ہوئی جس کی گروتھ 6 فیصد تھی۔

وزیر خزانہ نے مزید کہا کہ نقصان میں چلنے والوں اداروں سے اربوں روپے بچائے جا سکتے ہیں، اداروں میں اصلاحات ناگزیر ہو چکی ہیں۔