امریکہ : ریاست الباما میں شدیدبارشوں کے باعث حادثات، 10افراد ہلاک

امریکی میڈیا کے مطابق بارش اور طوفان سے امریکی ریاست الاباما میں المناک حادثہ پیش آیا ،  جہاں بٹلر کاؤنٹی کے علاقے  میں تیز ہواؤں اور بارش کے سبب سڑک پر 18 گاڑیاں آپس میں ٹکرا گئیں۔ رپورٹ کے مطابق  سڑک پر پانی کی وجہ سے  پھسلن کے سبب ایک کار الٹ گئی باقی دیگر  کاریں ایک دوسرے سے ٹکرا گئیں۔  حادثے کے نتیجے میں 9 بچوں سمیت 10 افراد ہلاک ہوگئے۔

 کاروں کے اس ہولناک تصادم کے نتیجے میں ہلاک ہونے والے بچوں کی عمریں 9 ماہ سے 17 سال کے درمیان ہیں ۔حادثے کے بعد لاشوں اور زخمیوں کو اسپتال منتقل کردیا گیا۔

 اس حادثے کو کاؤنٹی کا اب تک کا سب سے بدترین حادثہ قرار دے دیا جارہا ہے۔