سکھر: مال بردار ٹرین کی زد میں آکر دو بچے جاں بحق ، دو زخمی

تفصیلات کے مطابق سکھر کے قریب ریلوے  ٹریک پر کھیلتے بچے مال بردار ٹرین کی زد میں آنے سے جان گنوا بیٹھے ، منڈو دیرو کے قریب مال بردار ٹرین نے کمسن بچوں کچل دیا ۔ حادثے میں دو بچے موقع پر جاں بحق جبکہ دو زخمی ہوگئے ۔

مال بردار ٹرین پنجاب سے کراچی جارہی تھی ۔ پولیس ذرائع کا کہناہےکہ بچوں کا تعلق نزدیکی گائوں حسن چوہان سے ہے۔ پولیس ذرائع کا مزید کہنا ہے کہ حادثے میں 10 سالہ عبدالفتاح چوہان اور 12 سالہ عبدالحمید چوہان موقعے پر ہی دم توڑ گئے۔ جبکہ ٹرین کی ٹکر میں ثناء اللہ اور ارباب چوہان زخمی ہوئے۔ ریلوے پولیس نے جاں بحق اور زخمی بچوں کو تعلقہ ہسپتال روہڑی منتقل کردیا ۔

حادثے کے بعد گھروں میں کہرام مچ گیا۔ علاقے مکینوں کا کہناہے کہ  جاں بحق اور زخمی بچے آپس میں قریبی رشتہ دار ہیں۔