بھارت کا جاسوس ڈرون خلیج بنگال میں گر کر تباہ

نئی دہلی : بھارتی بحریہ کا ایک جدید ڈرون خلیج بنگال میں گر کر تباہ ہو گیا ہے۔ 

ذرائع کے مطابق یہ ایم کیو 9 بی ڈرون بھارت نے امریکا سے لیز پر حاصل کیا تھا اور بحرہند کے وسیع علاقے میں انٹیلیجنس اور جاسوسی کے لیے استعمال کیا جا رہا تھا۔ ڈرون کو تامل ناڈو میں واقع بھارتی بحریہ کے اڈے سے کنٹرول کیا جاتا تھا۔

تفصیلات کے مطابق بھارت کا جنگی جنون ہمیشہ خطے کی سالمیت کے لئے ایک خطرے کا سبب رہاہے اور یہی جنون اسے مہلک ہتھیاروں کے حصول پر مجبور کرتا ہے۔

ڈرون کے گرنے کی وجوہات ابھی تک سامنے نہیں آ سکی ہیں۔ تاہم اس واقعے نے بھارتی فوج کی پیشہ ورانہ مہارت اور جدید ٹیکنالوجی کے استعمال کی صلاحیتوں پر ایک بار پھر سوالات اٹھا دیئے ہیں۔ 

بھارتی ڈرون خلیج بنگال میں گر کر تباہ ہو گیا!#GnnNews #LatestNews #BreakingNews #NewsUpdates #GNN pic.twitter.com/yn8T21SlWi

— GNN (@gnnhdofficial) September 20, 2024

بھارتی حکومت کی یہ خواہش تو رہتی ہے کہ اس کے پاس ہتھیاروں کی جدید ٹیکنالوجی ہو تاکہ وہ اپنی خطے میں اجارہ کا خواب پورا کرسکے لیکن بھارت کو یہ سمجھنے کی ضرورت ہے کہ صرف جدید ٹیکنالوجی کا حصول ہی سب کچھ نہیں ہوتا، اس جدید ٹیکنالوجی کو سنبھالنے کی صلاحیت بھی ضروری ہوتی ہے۔

یہ پہلا موقع نہیں ہے کہ بھارتی مسلح افواج کی جانب سے غیر ذمہ داری اور نالائقی کا مظاہرہ کیا گیا ہے، اس سے قبل بھارتی فضائیہ کے کئی طیارے تباہ ہو چکے ہیں ، نیوی کے بحری جہاز اور آبدوز بھی نااہلی کی وجہ سے حادثات کا شکار ہو چکی ہیں۔