وزیراعلیٰ علی امین گنڈا پور کےناقابل ضمانت وارنٹ گرفتاری جاری 

اسلام آباد کی انسداد دہشتگردی کی عدالت نے وزیراعلیٰ خیبر پختونخوا علی امین گنڈا پور و دیگر پاکستان تحریک انصاف (پی ٹی آئی) کے رہنماؤں کے دہشتگردی کی دفعات کے تحت وارنٹ گرفتاری جاری کر دیئے،  جبکہ عمر تنویر بٹ کو اشتہاری قرار دے دیا۔ دہشتگردی کی دفعات کے تحت تھانہ آئی نائن میں مقدمہ درج ہے۔

تفصیلات کےمطابق خرم شہزاد نواز راجا ماجد اپنے وکلاء کے ہمراہ عدالت پیش ہوئے۔ اس موقع پر فیصل جاوید کی وکیل آمنہ علی ایڈووکیٹ نے حاضری معافی کی درخواست جمع کروائی، عدالت نے فیصل جاوید کی حاضری معافی کی درخواست عدالت نے منظور کر لی۔

عدالت نے وزیراعلیٰ خیبرپختونخوا علی امین گنڈاپور، و دیگر پی ٹی آئی رہنماؤں واثق قیوم عباسی، راشد حفیظ، عامر محمود کیانی کے ناقابل ضمانت وارنٹ گرفتاری جاری کردیے۔ 

اسلام آباد کی اانسداد دہشتگردی کی عدالت نے عمر تنویر بٹ کو اشتہاری قرار دے دیا۔