خیبر پختونخوا میں پولیو کا نیا کیس ، ڈی ایچ او اور پولیو کوآرڈینیٹر معطل

مہمند : خیبر پختونخوا کے ضلع مہمند کی تحصیل صافی سے پولیو کا ایک نیا کیس سامنے آیا ہے۔ محکمہ صحت کے مطابق صافی کی 9 ماہ کی بچی میں پولیو وائرس کی تصدیق ہوئی ہے۔

ملنے والی ابتدائی معلومات کے مطابق بچی کو صرف دو بار پولیو سے بچاؤ کے قطرے پلائے گئے تھے۔ اس واقعے کے بعد وزیر اعلیٰ خیبر پختونخوا علی امین گنڈا پور نے فوری طور پر نوٹس لیتے ہوئے کیس کی انکوائری کا حکم دے دیا ہے۔

وزیر اعلیٰ نے متعلقہ ڈسٹرکٹ ہیلتھ آفیسر اور پولیو کوآرڈینیٹر کو معطل کرنے کی ہدایت کرتے ہوئے کہا کہ دیگر تمام اضلاع میں بھی انسداد پولیو مہم کی کوالٹی کو ہر لحاظ سے یقینی بنایا جائے۔