بٹ کوائن کی قیمت مزید گرگئی

تفصیلات کے مطابق بٹ کوائن کی پیدا وار میں چین کا نصف سے بھی زیادہ حصہ ہے۔ 18 جون کو چین نے اپنے صوبے  سیچوان میں کرپٹو کریسی مائنگ کے پروجیکٹس کو بند کرنے کا حکم دیا تھا ۔چین کے مرکزی بینک نے حال ہی میں کچھ بینکوں اور کاروباری فرموں کو طلب کیا تھا اور ان کو حکم دیا گیا کہ وہ کرپٹو کرینسی ٹریڈنگ میں مزید سختی لائیں۔

زرعی بینک آف چائنا کا کہنا ہے کہ وہ کرپٹو کان کنی اور لین دین سے متعلق مزید سخت اقدامات کرے گا۔

یاد رہے کہ زرعی بینک آف چائنہ قرض دینے والہ تیسرا بڑا بینک ہے ۔

کیمرج یونیورسٹی کے مطابق چین کا بٹ کوائن کی عالمی پیدا وار میں 65 فیصد حصہ ہے جبکہ چین کا صوبہ سیچوان اس کا دوسرا بڑا پروڈیوسر ہے۔