کوئی بھی پارٹی خیبرپختونخوا میں جلسے کی ہمت کرے، سہولیات فراہم کریں گے، بیرسٹر سیف

خیبر پختونخوا حکومت پر سرکاری وسائل استعمال کرنے والوں کو مشیر اطلاعات خیبرپختونخوا بیرسٹر سیف نے چیلنج دے دیا۔

اپنے ایک بیان میں صوبائی مشیر اطلاعات بیرسٹر سیف نے کہا ہے کہ مسلم لیگ (ن) سمیت کوئی بھی پارٹی خیبرپختونخوا میں جلسہ یا ریلی کی ہمت کرے، جلسے کے لیے اجازت، میدان اور متعلقہ سہولیات ہم فراہم کریں گے۔

خیبر پختونخوا حکومت پر سرکاری وسائل استعمال کرنے والوں کوکھلا چیلنج

مسلم لیگ ن سمیت کوئی بھی پارٹی خیبر پختونخوا میں جلسہ یا ریلی کرنے کی ہمت کریں، جلسہ کے لئے اجازت، میدان اور متعلقہ سہولیات ہم فراہم کریں گے، ہم پر الزامات لگانے والے عقل کے اندھوں کو پتہ ہونا چاہئیے کہ ریسکیو…

— Barrister Dr Muhammad Ali Saif (@BaristerDrSaif) October 8, 2024

بیرسٹر سیف نے مزید کہا کہ ہم پر الزامات لگانے والے عقل کے اندھوں کو پتہ ہونا چاہئیے کہ ریسکیو اور فائر بریگیڈ کی سہولیات ہر جلسے اور ہر ریلی میں فراہم کی جاتی ہیں، ن لیگ ایک چھوٹی سی جلسی بھی منعقد کریں تو ہم ریسکیو اور فائر بریگیڈ کی یہ سہولیات فراہم کریں گے۔

ان کا یہ بھی کہنا تھا کہ مجھے یقین ہے کہ پی ٹی آئی جلسے کے مقابلے میں ان کے جلسے میں ایک چوتھائی لوگ بھی نہیں آئیں گے۔

مشیر اطلاعات خیبرپختونخوا نے کہا کہ دراصل سرکاری وسائل کا استعمال تو جعلی حکومت نے کیا ہے، اسلام اباد اور موٹروے پر کنٹینرستان کس کے وسائل سے لگائے، کیا وہ سرکاری وسائل نہیں تھے؟ اگر وہ کنٹینرز شریف خاندان یا زرداری خاندان نے اپنے جیب سے لگائے تھے پھر ٹھیک ہے۔