غزہ سے مزید 27 فلسطینی طلبہ حصول علم کے لیے پاکستان پہنچ گئے،صدر الخدمت فاؤنڈیشن ڈاکٹر حفیظ الرحمن اور حکومتی حکام نے استقبال کیا۔ 

 پہلے مرحلے میں جنگ زدہ غزہ سے تعلق رکھنے والے198 فلسطینی میڈیکل طلبہ و طالبات مختلف پروازوں کے ذریعے پاکستان پہنچ رہے ہیں، الخدمت فاؤنڈیشن حکومت پاکستان، فلسطینی سفارت خانے، مصر میں پاکستانی سفارت خانے کی مشکور ہے، جن کے تعاون سے یہ سب ممکن ہوا،مہمان طلبہ کوتعلیم، رہائش سمیت دیگر ضروریات فراہم کی جائیں گی، تعاون کرنے والے میڈیکل کالجز اور یو نیو ر سٹیز کا شکریہ ادا کرتے ہیں۔

ڈاکٹرحفیظ الرحمن کا کہنا تھا کہ فلسطینی طلباء الخدمت فاؤنڈیشن پاکستان، گلوبل ریلیف ٹرسٹ اور ڈاکٹر ز آف رحمان کے تعاون سے میڈیکل اور ڈینٹل کی تعلیم حاصل کریں گے،قبل ازیں مصر میں پاکستانی سفیر اور الخدمت کے نمائندوں نے انھیں قاہرہ سے روانہ کیا تھا۔
 ڈاکٹرحفیظ الرحمن نے کہا کہ الخدمت فاؤنڈیشن پاکستان جنگ کے پہلے دن سے غزہ میں ریسکیو اور ریلیف آپریشن جاری رکھے ہوئے ہے۔    

شنگھائی تعاون تنظیم (ایس سی او) اجلاس کے دوران اسلام آباد میں احتجاج یا لاک ڈاؤن کی اجازت نہیں ہوگی۔

وزارت داخلہ نے ایس سی او اجلاس کے دوران ضلعی انتظامیہ کو فول پروف سیکیورٹی سے متعلق احکامات دے  دیئے ۔

وزارت داخلہ نے چیف کمشنر اسلام آباد اور آئی جی پولیس کو وفاقی دارالحکومت کی سیکیورٹی کے حوالے سے مراسلہ لکھا ہے ، مراسلے میں کہا گیا ہے کہ اسلام آباد کی حدود میں کسی غیرقانونی اجتماع کی اجازت نہیں ہے، ایس سی او اجلاس کے موقع پر کوئی احتجاج یا لاک ڈاؤن نہیں ہوسکتا۔

واضح رہے کہ وزارت داخلہ نے مراسلے میں مزید کہا کہ اسلام آباد ہائیکورٹ نے اسلام آباد میں کسی بھی احتجاج یا لاک ڈاؤن کو روکنے کے احکامات جاری کیے۔

وزارت داخلہ نے یہ بھی کہا کہ ضلعی انتظامیہ ایس سی او اجلاس کے دوران فول پروف سیکیورٹی  کیلئے ہر ممکن اقدامات کرے۔ 

اسلام آباد: ایچ ای سی(ہائر ایجوکیشن کمیشن) کی جانب سے جاری  اعلامیے کہا گیا ہےکہ عوام الناس کو ڈگری کی تصدیق کے حوالے سے آنے والی فراڈ کالز کو نظر انداز کریں ،اور ان کے خلاف شکایات درج کروائی جائے۔
 تفصیلات کے مطابق ہائر ایجوکیشن کمیشن کی جانب سے جاری کیے گئے اعلامیے میں اس بات کا اظہار کیا ہے کہ کچھ لوگ جعلی ایچ ای سی کے نمائندے بن کر لوگوں کو کال کر کے پریشان کر رہے ہیں اور ان سے ڈگری کی تصدیق کے عوض بھاری بھرکم رقوم کا مطالبہ  کر رہے  ہیں، ایچ ای سی کا کہنا ہے کہ ہمارا اس مبینہ گروہ سے کوئِی تعلق نہیں اور نہ ہی یہ ہائر ایجوکیشن کمیشن کے  نمائندے ہیں ،ہائر ایجوکیشن کمیشن کبھی بھی لوگوں کو ڈگری کی تصدیق کے لیے کال نہیں کرتا اور نہ ہی اس سلسلے میں کسی قسم کی رقم کا مطالبہ کیا جاتا ہے۔ اعلامیے میں مزید کہا گیا کہ ایسے لوگوں کو کال کرنے والوں کے خلاف باقاعدہ شکایات درج کروانی چاہیے تا کہ ان کے خلاف قانونی کارروائی عمل میں لائی جا سکے۔

اعلامیے میں مزید کہا گیا کہ تحفظات درج کروانے کے لیے پی ٹی اے(پاکستان ٹیلی کمیونیکیشن اتھاڑٹی)  https://www.pta.gov.pk/ کی ویب سائٹ وزٹ کریں ،  یا شکایات درج کروانے کے لیے درج ذیل نمبر پر کال کریں۔0800-55055  
تاہم مالی شکایات کے لیے اسٹیٹ بینک آف پاکستان کی ویب سائٹ پر رجوع کریں ۔  cpd.helpdesk@sbp.org.pk 
 اس حوالے سے ایچ ای سی کا مزید کہنا  ہے کہ طالب علم  ڈگری کے حصول کے لیے ایچ ای سی سی کی متعلقہ ویب سائٹ کا وزٹ کریں۔ eservices.hec.gov.pk