ترکیہ میں زلزلے کے شدید جھٹکے محسوس کیے گئے ہیں، جن کی شدت 6.1 ریکارڈ کی گئی ہے۔

غیر ملکی خبر رساں ادارے ’رائٹرز‘ کے مطابق زلزلہ پیما مرکز ’یورپین مڈیٹریزن سیسیمولوجیکل سینٹر‘ نے بتایا کہ ترکیہ کے مشرقی علاقوں میں 6.1 شدت کا زلزلہ محسوس کیا گیا ہے۔

زلزلہ پیما مرکز کا مزید کہنا تھا کہ زلزلے کی گہرائی 9کلومیٹر ریکارڈ کی گئی، زلزلے کے جھٹکے شام کے مشرقی علاقوں میں بھی محسوس کیے گئے۔

تاہم اب تک کسی جانی یا مالی نقصان کی اطلاع نہیں ہے۔

اسلام آباد : بھارتی وزیر خارجہ جے شنکر نے اسلام آباد سے روانگی پر وزیراعظم، اور وزیر خارجہ کا شکریہ ادا کیا۔
تفصیلات کے مطابق بھارتی وزیر خارجہ ایس جے شنکر نے اسلام آباد سے روانہ ہوتے ہوئے پاکستان کے وزیراعظم شہباز شریف اور ڈپٹی وزیر اعظم و فارفارن منسٹر اسحاق ڈار کا شکریہ ادا کیا۔ایس جے شنکر نے سوشل میڈیا پلیٹ فارم ایکس پر ایک پیغام جاری کیا جس میں انہوں نے  وزیر اعظم شہباز شریف اور ڈپٹی وزیر اعظم و فارفارن منسٹر  اسحاق ڈار اور حکومت پاکستان کی  مہمان نوازی پر ان کا شکریہ ادا کیا۔
واضح رہے کہ بھارتی وزیر خارجہ ایس۔جے شنکر اسلام آباد میں جاری شنگھائی تعاون تنظیم کے اجلاس میں شرکت کے لیے کل پاکستان پہنچے تھے۔بھارتی وزیر خارجہ نے ایسے حالات میں پاکستان کا دورہ کیا ہے جب دونوں ملکوں کے درمیان تعلقات سرد مہری کا شکار ہیں ، ایس جے شنکر کے حالیہ دورہ کو پاکستان اور بھارت کے مابین تعلقات کے حوالے سے بڑِی اہمیت کی نگاہ سے دیکھا جا رہا ہے۔پوری دنیا کی نظریں بھارتی وزیر خارجہ کے اسلام آباد دورے پر مرکوز تھی۔

Departing from Islamabad. Thank PM @CMShehbaz, DPM & FM @MIshaqDar50 and the Government of Pakistan for the hospitality and courtesies. pic.twitter.com/wftT91yrKj

— Dr. S. Jaishankar (@DrSJaishankar) October 16, 2024

خیال رہے کہ  بھارتی وزیر خارجہ کا ایک دہائی کےبعد یہ پاکستان کا پہلا دورہ ہے اس سے قبل سابق بھارتی وزیر خارجہ نےسشما سوراج نے دسمبر2015 میں ہارٹ آف ایشیا کانفرنس میں شرکت کرنے کے لیے پاکستان کا دورہ کیا تھا۔

اسلام آباد: وفاقی کابینہ نے مزید 5 لاکھ میٹرک ٹن چینی برآمد کرنے کی منظوری دے دی۔

ذرائع کے مطابق وفاقی کابینہ نے مزید 5 لاکھ میٹرک ٹن چینی برآمد کرنے کی منظوری دے دی جب کہ وفاقی کابینہ سے چینی برآمد کرنے کی سمری کی سرکولیشن کے ذریعے منظوری لی گئی۔

ذرائع کا کہنا ہے کہ قیمتیں مقررہ بینچ مارک سے بڑھنے پر چینی کی برآمد فوری منسوخ کی جائے گی، برآمد شوگر ملز مالکان کی جانب سے پیداوار 21 نومبر سے شروع کرنے سے مشروط ہوگی۔

ذرائع نے مزید کہا کہ صوبائی حکومتوں کوچینی کی قیمتوں کی نگرانی کرنے کا کہا گیا ہے، کابینہ نے سرکولیشن سمری کے ذریعے اقتصادی رابطہ کمیٹی کے فیصلے کی توثیق کی۔

ذرائع نے بتایا کہ برآمد کے لیے چینی کی ریٹیل قیمت کا بینچ مارک فی کلو 145.15 روپے مقرر ہے، بینچ مارک سے ریٹیل قیمت بڑھنے پر چینی کی برآمد فوری منسوخ ہوگی جب کہ شوگر ایڈوائزری بورڈ کو چینی کی باقاعدہ مانیٹرنگ کا ٹاسک دیا گیا ہے۔