سری لنکا میں بارشوں سے مزید 3 افراد ہلاک

سری لنکا میں بارش کے باعث 3 افراد ہلاک ہو گئے۔

شنہو ا کے مطابق ملک کے ڈیزاسٹر مینجمنٹ سینٹر (ڈی ایم سی)کے مطابق سری لنکا میں موسم کی خراب صورتحال کی وجہ سے تین افراد ہلاک ہو چکے ہیں۔

ڈی ایم سی نے کہا کہ سری لنکا میں 7 اکتوبر کو شدید بارش شروع ہوئی، اور پیر کی صبح تک، 34,492 خاندانوں سے تعلق رکھنے والے 134,484 افراد ملک بھر کے 12 اضلاع میں بارش سے پیدا ہونے والی آفات سے بے گھر ہو چکے ہیں۔

سری لنکا کے محکمہ آبپاشی نے پانچ اہم دریاؤں کے سات مقامات کے قریب مزید سیلاب کی وارننگ دی ہے۔ملک کے محکمہ موسمیات کے مطابق، مغربی، سباراگامووا، شمال مغربی اور شمالی صوبوں اور گالے اور ماتارا اضلاع میں کچھ مقامات پر 100 ملی میٹر سے زیادہ موسلادھار بارش کا امکان ہے۔