کھیل
بنگلورو ٹیسٹ، بھارتی ٹیم ہوم گراؤنڈ پر 46 رنز پر ڈھیر
کیویز باولنگ لائن کے سامنے بھارتی ٹیم ریت کی دیوار ثابت ہوئی
بھارت اور نیوزی لینڈ کے درمیان تین ٹیسٹ میچز کی سیریز پہلا میچ بنگلورو میں کھیلا جا رہا ہے جس میں بھارتی ٹیم 46 رنز پر ڈھیر ہو گئی
تفصیلات کے مطابق بھارتی ٹیم نے ٹاس جیت پر پہلے بیٹنگ کا فیصلہ کیا تھا جو کہ غلط ثابت ہوا،کیویز باولنگ لائن کے سامنے بھارتی ٹیم ریت کی دیوار ثابت ہوئی۔
ویرات کوہلی سمیت 5 کھلاڑی صفر پر آوٹ ہوئے جن میں کے ایل راہول، رویندرا جڈیجا، سرفراز خان،اور روی چندر ایشون شامل ہے۔ بھارت کی طرف سے رشبھ پنت نے سب سے زیادہ 20 رنز بنائے
بھارت کا یہ ہوم گراؤنڈ پر سب سے کم ترین جبکہ ٹیسٹ کرکٹ میں تیسرا کم ترین اسکور ہے۔۔
نیوزی لینڈ کی طرف سے میٹ ہنری نے شاندار باولنگ کا مظاہرہ کرتے ہوئے پانچ وکٹیں حاصل کیں۔
پاکستان
تحریک انصاف کا جمعہ کوملک گیرسطح پراحتجاج کرنے کا اعلان
پی ٹی آئی نے آئین میں ترمیم کےحکومتی منصوبے کے خلاف مذاحمت کافیصلہ کیا ہے
تحریک انصاف جمعہ کوملک گیرسطح پراحتجاج کرنے کا اعلان کر دیا۔
پاکستان تحریک انصاف کی سیاسی کمیٹی کے اجلاس کے اعلامیہ میں کہا گیا ہے کہ آئین میں ترمیم کےحکومتی منصوبے کے خلاف مذاحمت کافیصلہ کیا ہے،اڈیالہ میں قید بانی پی ٹی آئی سےروا رکھے جانیوالے سلوک کی مذمت کی ہے، سیاسی کمیٹی کا پارٹی رہنماؤں، وکلا اور اہلخانہ کوبانی پی ٹی آئی تک رسائی کامطالبہ کر دیا ہے۔
اعلامیہ میں بتایا گیا کہ اجلاس میں پارلیمان کے دونوں ایوانوں میں ترمیم کا رستہ روکنے کیلئے بھی ہر ممکن کوشش پر اتفاق ہوا جبکہ سیاسی کمیٹی کی جانب سے بانی چیئرمین عمران خان کی بہنوں علیمہ خانم اور عظمیٰ خانم، انتظار حسین پنجوتھہ ایڈووکیٹ، اعظم سواتی اور تحریک انصاف بلوچستان کے صدر سمیت تمام گرفتار قائدین، کارکنان اور اراکینِ پارلیمان کی فوری رہائی پر بھی زوردیا گیا،
پی ٹی آئی اعلامیہ میں کہا گیا ہے کہ پی ٹی آئی ریجنل تنظیموں کوضلعی ہیڈکوارٹرز پر بعد نمازِ جمعہ پرامن احتجاج کی ہدایت کرتی ہے، آئینی ترمیم کے ذریعے دستور کو مسخ کرنے کی حکومتی کوشش قبول نہیں ہے، آئین کی بالادستی پریقین رکھنےوالےتمام طبقات کوپرامن احتجاج میں شرکت کی اپیل کی ہے۔
پاکستان تحریک انصاف کی جانب سے جاری اعلامیہ میں کہا گیا ہے کہ پارلیمان کے دونوں ایوانوں میں ترمیم کا رستہ روکنے کیلئے ہر ممکن کوشش پر اتفاق ہوا ہے، بانی پی ٹی آئی کی بہنوں سمیت تمام گرفتار پارٹی رہنماؤں کی فوری رہائی کا مطالبہ کرتے ہیں۔
پاکستان
انسداد دہشتگردی عدالت ، زرتاج گل اور عامر مغل کی عبوری ضمانت میں توسیع
عدالت نے زرتاج گل کی ضمانت میں 25 اکتوبر اور عامر مغل کی عبوری ضمانت میں 18 اکتوبر تک توسیع کر دی
انسداد دہشتگردی عدالت نے زرتاج گل اور عامر مغل کی عبوری ضمانت میں توسیع کر دی۔
اے ٹی سی اسلام آباد کے جج ابوالحسنات محمد ذوالقرنین نے زرتاج گل، عامر مغل کے خلاف تھانہ سنگجانی میں دہشت گردی کی دفعات کے تحت درج مقدمات کی سماعت کی، پی ٹی آئی رہنماؤں کی جانب سے سردار مصروف عباسی ایڈووکیٹ و دیگر عدالت میں پیش ہوئے۔
دوران سماعت ملزمان کی جانب سے عدالت میں حاضری سے استثنیٰ کی درخواستیں جمع کرائی گئیں۔
عدالت نے زرتاج گل اور عامر مغل کی حاضری سے استثنیٰ کی درخواست منظور کرتے ہوئے زرتاج گل کی ضمانت میں 25 اکتوبر اور عامر مغل کی عبوری ضمانت میں 18 اکتوبر تک توسیع کر دی۔
بعد ازاں عدالت نے مزید سماعت آئندہ تاریخوں تک ملتوی کر دی۔
دنیا
سابق وزیر اعظم حسینہ واجد سمیت 45 رہنماؤں کے وارنٹ گرفتاری جاری
بنگلہ دیش کے انٹرنیشنل کرائمز ٹربیونل نے حسینہ واجد سمیت عوامی لیگ کے 45 رہنماوٗں کے وارنٹ گرفتاری جاری کئے
حسینہ واجد کی مشکلات میں اضافہ، بنگلہ دیش ٹربیونل نے سابق وزیر اعظم شیخ حسینہ واجد کے وراںٹ گرفتاری جاری کر دیے
بنگلہ دیش کے انٹرنیشنل کرائمز ٹربیونل نے سابق وزیراعظم حسینہ واجد سمیت عوامی لیگ کے 45 رہنماوٗں کے وارنٹ گرفتاری جاری کر دیے، حسینہ واجد پر الزام عائد کیا گیا ہے کہ انہوں نے اگست میں عوامی مظاہرین پر تشدد اور غیر انسانی سلوک کرنے کے احکامات جاری کیے تھے۔
بنگلہ دیش کےمقامی اخبار کے مطابق بنگلہ دیش کے انٹرنیشنل کرائمز ٹریبونل کے چیف پراسیکیوٹر محمد تاج الاسلام نےصحافیوں کو بتایا ہے کہ عدالت نے سابق وزیر اعظم شیخ حسینہ کو گرفتار کر کے انہیں 18 نومبر کو عدالت میں پیش کرنے کا حکم دیا ہے۔
واضح رہے کہ بنگلہ دیش کی سابق وزیر اعظم حالیہ اگست میں طلباء تحریک کے نتیجے میں ہونے والے پر تشدد عوامی مظاہروں کے بعد اقتدار سے الگ ہو کر بھارت فرار ہو گئی تھیں، جس کے بعد بنگلہ دیش میں ڈٓاکٹر محمد یونس کی قیادت میں عبوری حکومت کا قیام عمل میں لایا گیا تھا۔
عبوری کی حکومت کی جانب سے بھارت سے بار بار مانگ کی جا رہی تھی کہ وہ حسینہ واجد کو واپس بنگلہ دیش کے حوالے کرے، تاہم آج بنگلہ دیش کے ایک ٹربیونل نے ان کی گرفتاری کے احکامات جاری کیے ہیں۔
-
تجارت 2 دن پہلے
انکم ٹیکس گوشوارے جمع کرانے کی آخری تاریخ میں31 اکتوبر تک توسیع
-
پاکستان 2 دن پہلے
پی ٹی آئی بلوچستان کے صدر داؤد شاہ گرفتار
-
دنیا ایک دن پہلے
ملائیشیا کے سابق وزیراعظم مہاتیر محمد کی طبیعت ناسازی، ہسپتال منتقل
-
دنیا ایک گھنٹہ پہلے
سابق وزیر اعظم حسینہ واجد سمیت 45 رہنماؤں کے وارنٹ گرفتاری جاری
-
تجارت 2 گھنٹے پہلے
ملک میں سونے کی قیمت میں مسلسل دوسرے روز بڑا اضافہ
-
تجارت ایک دن پہلے
سونے کی قیمت میں ایک دفعہ پھر اضافہ
-
پاکستان ایک دن پہلے
قومی اسمبلی کا اجلاس 18 اکتوبر کو بلانے کا فیصلہ، آئینی ترمیم پیش کیے جانے کا امکان
-
تجارت ایک دن پہلے
ملک میں سونے کی قیمت میں ہوشربا اضافہ