تحریک انصاف کو مخصوص نشستیں ملنی چاہییں ، سپریم کورٹ کی وضاحت پر بیرسٹر گوہر کا ردعمل

اسلام آباد:چئیرمین پاکستان تحریک انصاف بیرسٹر گوہر کا کہنا ہے کہ سپریم کورٹ کی وضاحت کے بعد تحریک انصاف کو مخصوص نشستیں ملنی چاہیے۔

چئیرمین پی ٹی آئی بیرسٹر گوہر خان نے میڈیا سے گفتگو کرتے ہوئے کہا کہ اب سپریم کورٹ کا وضاحتی فیصلہ آ چکا ہے۔سپریم کورٹ کے ججز کے وضاحتی فیصلے سے جمہوریت اور آئین کی بالادستی ہو گی ۔ 
بیرسٹر گوہر خان کا مزید کہنا تھا کہ سپریم کورٹ کے فیصلے کے بعد تحریک انصاف کو فوراً مخصوص نشستیں ملنی چاہیے،آئین اور جمہوریت بالادستی کے لیے سپریم کورٹ کا وضاحتی فیصلہ بہت اہم ہے،الیکشن کمیشن کو تحریک انصاف کو مخصوص نشستیں دینی چاہیے۔
واضح رہے کہ اب سے کچھ دیر قبل سپریم کورٹ کے 8 ججوں نے الیکشن کمیشن کی درخواست پر دوسری دفعہ وضاحتی فیصلہ جاری کرتے ہوئے الیکشن کمیشن کو حکم دیا ہے کہ وہ سپریم کورٹ کے 12 جولائی کے فیصلے پر عملدرآمد کرتے ہوئے مخصوص نشستیں تحریک انصاف کو الاٹ کرے۔