امریکہ نے 19 بھارتی کمپنیوں پر پابندی  عائد کر دی

امریکہ نے بھارتی کی 19 کمپنیوں پر  روس کو مبینہ طور پر جنگی معاونت فراہم کرنے کے پیش نظر پابندی عائد کر دی۔

امریکی وزارت خزانہ کے حکام کے  مطابق یہ پابندیاں روسی فوج کو جدید ٹیکنالوجی اور سامان فراہم کرنے پر عائد کی گئی ہیں، حکام کا مزید کہنا تھا کہ  روس کی جانب سے یوکرین کے خلاف جنگ لڑنے میں مدد فراہم کرنے والوں کے خلاف ایسے اقدامات کرتے رہیں گے۔

بھارتی میڈیا کا کہنا ہے کہ امریکی پابندیوں کی زد میں 19 بھارتی کمپنیاں اور 2 بھارتی شخصیات آئی ہیں، بھارتی کمپنیاں روس کو الیکٹرانک، کمپیوٹر اور ایوی ایشن سے متعلق آلات فراہم کر رہی تھیں۔

میڈیا رپورٹس کے مطابق امریکا نے دنیا بھر کی تقریباً 400 کمپنیوں اور افراد پر پابندیاں عائد کررکھی ہیں۔