ڈالر مزید سستا ہو گیا

تفصیلات کے مطابق پاکستانی روپے کے مقابلے میں ڈالر کی قدر میں ایک روپے تیس پیسے کمی رونما ہوئی ہے جبکہ گزشتہ ایک ماہ کے دوران ڈالر کی قدر میں اضافہ ہورہا تھا، جس کے تحت امریکی کرنسی ایک ماہ میں پانچ روپے سے زیادہ مہنگی ہوئی ہے لیکن رواں ماہ کے کاروباری ہفتہ کے چوتھے روز ڈالر کی قدر میں ریکارڈ کمی ہوئی ہے ۔

اوپن مارکیٹ میں ڈالر کی قیمت میں ایک روپے تیس پیسے ریکارڈ کمی واقع ہوئی جس کے بعد ڈالر 158 روپے کا فروخت ہورہا ہے ۔

سٹیٹ بینک آف پاکستان کے مطابق ڈالر کی قدر میں مزید 85 پیسے کمی ہوئی جس کے بعد ڈالر 158 روپے سے کم ہوکر 157 روپے 68 پیسے کا ہو گیا ہے ۔

دوسری طرف پاکستان سٹاک مارکیٹ میں اتار چڑھاؤ کے بعد61٫84 پوائنٹس کی مندی دیکھی گئی ہے، کاروباری روز کے دوران کاروبار میں 0.13 کی بہتری دیکھی گئی ۔