دہشت گردوں کی فائرنگ سے ایف سی کے پانچ جوان شہید

پاک فوج کے شعبہ تعلقات عامہ ( آئی ایس پی آر ) کے مطابق سبی کے ضلع سنگن میں دہشتگردوں نے فرنٹیئر کور کی پیٹرولنگ پر حملہ کیا جس کے نتیجے میں ایف سی کے پانچ جوان شہید ہوگئے ۔شہید ہونے والوں میں حوالدار ظفر علی خان ، لانس نائیک ہدایت اللہ ، لانس نائیک ناصر عباس ، سپاہی بشیر احمد اور سپاہی نور اللہ شامل ہیں ۔

مزید پڑھیں : سعودی عرب پہنچنے والوں کے لیے نئے ضوابط لاگو

آئی ایس پی آر کی جانب سے جاری بیان میں کہا گیا ہے کہ دہشتگردوں کے تعاقب میں سیکیورٹی فورسز کا سرچ آپریشن جاری ہے ، بلوچستان کا امن ایسے عناصر کے ہاتھوں سبوتاژ ہونے نہیں دیا جائیگا۔ آئی ایس پی آر کا مزید کہناہےکہ فورسز کی جوابی فائرنگ کے نتیجے میں دہشتگردوں کو بھاری نقصان پہنچا۔