لاہور انٹر بورڈ نے بارہویں جماعت کے امتحانات کی تاریخوں کا اعلان کردیا

تفصیلات  کے مطابق بورڈ آف انٹرمیڈیٹ اینڈ سیکنڈری ایجوکیشن لاہور نے انٹرمیڈیٹ پارٹ II کے امتحانات کے شیڈول میں ایک بار پھر ترمیم کی ہے۔  لاہور بورڈ  کے مطابق انٹرمیڈیٹ پارٹ 2 کے امتحانات اب 10جولائی سے شروع ہوں گے جس میں 1لاکھ 88 ہزار752 امیدوار شرکت کریں گے۔ بورڈ انتظامیہ کے مطابق  انٹرپارٹ 2 کے امتحانات میں پہلا پرچہ شماریات کا ہوگا، طلبا وطالبات کو جلد رول نمبر سلپ بھی جاری کردی جائےگی۔

خیال رہے کہ گزشتہ ماہ   امتحانات کے اعلان کے بعدامتحانی  تاریخ میں یہ پانچویں تبدیلی   ہے   جس کے باعث  طلباء کی پریشانی میں اضافہ بھی ہوااور وہ آخری لمحات تک تذبذب کا شکار رہے ۔ اس سے قبل چیئر مین  انٹر بورڈ کمیٹی (آئی بی سی سی) نے میٹرک اور انٹرمیڈیٹ کے امتحانات صوبہ بھر میں  26 جون سے  12جولائی تک شروع کرنے کا اعلان کیا تھا۔ جس کے بعد دوبارہ بورڈ کی جانب سے پچھلے ہفتے کے شیڈول میں ترمیم کرتے ہوئے اعلان کیا گیا کہ امتحانات 14 جولائی کو شروع ہوں گے اور 05 اگست تک جاری رہیں گے۔

واضح رہے کہ کہ وفاقی وزیر تعلیم شفقت محمود نے واضح کیا تھا کہ روا ں برس بورڈ کے امتحانات پورے ملک میں ہوں گے اور اس سال کسی بھی طالب علم  کو بغیر امتحان کے پروموٹ  نہیں کیا جائے گا ۔