کیا نوجوت سنگھ سدھو دی گریٹ کپل شرما شو میں واپس آ رہے ہیں ؟

بھارت کے مقبول اور بلاک باسٹر کامیڈی شو  دی گریٹ اںڈین کپل شرما شو میں نوجوت سنگھ سدھو کی واپسی نے مداحوں کو خوش کر دیا ہے۔

نوجوت سنگھ سدھو نے اپنے انسٹا گرام پر کپل شرما شو کا ٹیزر شئیر کیا جس میں انہیں کامیڈی شو میں شرکت کرتے ہوئے دیکھا جا سکتا ہے۔

 ٹیزر میں ارچنا کو کپل سے اپنی کرسی واپس لینے کی درخواست کرتے ہوئے دیکھا جاسکتا ہے۔ دلچسپ بات یہ ہے کہ پرومو میں سنیل گروور بھی سدھو کا کردار ادا کرتے ہوئے شامل ہیں اور خوب ہنسی مذاق کر رہے ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Navjot Singh Sidhu (@navjotsinghsidhu)

نوجوت سنگھ کی شو میں واپسی پر مداح بہت خوش ہیں اور طرح طرح کے تبصرے کر رہے ہیں۔

نوجوت سنگھ سدھو کی شو میں واپسی پر سابق بھارتی کرکٹر ہربھجن سنگھ نے تبصرہ کرتے ہوئے کہا کہ پا جی تسی چھا گئے اوں۔

ٹیرز میں دیکھا جا سکتا ہے کہ شو میں سابق بھارتی کرکٹر ہربھجن سنگھ بھی اپنی اہلیہ گیتا بسرا کے ساتھ شرکت کرتے ہیں، جس سے شو میں مزید دلچسپی کا اضافہ ہوگیا ہے۔

واضح رہے کہ 2019 میں پلوامہ حملے کے بعد سدھو کے ایک بیان پر انہیں ایک متنازعہ شخصیت کے طور پر کھڑا کردیا گیا تھا۔ ہندو انتہا پسندوں کی جانب سے ان کے خلا ف کیے جانےمظاہروں اور شو سے ان کی برطرفی کا مطالبہ کیے جانے پر انہیں وقتی طور پر شو سے ہٹا دیا گیا تھا۔ اور ان کی جگہ ارچنا پورن سبگھ ان کی نشست کو سنبھالے ہوئے تھی۔