چاروں صوبوں میں سندھ میں سب سے زیادہ مہنگائی ریکارڈ ہوئی ، ادارہ شماریات رپورٹ

تفصیلات کے مطابق  ادارہ شماریات نےچاروں صوبوں میں مہنگائی بارے رپورٹ  جاری  کردی ۔چاروں صوبوں میں سندھ میں سب سے زیادہ مہنگائی ریکارڈ ہوئی ہے،

ادارہ شماریات کی رپورٹ کے مطابق سندھ کے بعد مہنگائی میں پنجاب کا دوسرا نمبر رہا، سندھ اور پنجاب کے بعد مہنگائی کے لحاظ سے شہر اقتدار کا تیسرا نمبر ہے۔سب سے کم مہنگائی صوبہ بلوچستان میں ریکارڈ کی گئی ہے۔

 شماریات رپورٹ کے مطابق  کراچی میں مہنگائی ملک بھر کے باقی تمام شہروں سے زیادہ ریکارڈ ہوئی ،سکھر اور خضدار میں مہنگائی کی شرح سب سے کم ریکارڈ ہوئی  ، دیگر شہروں کی نسبت مہنگائی کے لحاظ سے اسلام آباد کا چھٹا نمبر  ہے۔کراچی کے بعد فیصل آباد، گجرانوالا میں زیادہ مہنگائی ریکارڈ ہوئی ہے۔