ٹونٹی ورلڈ کپ 2021 یو اے ای منتقل

جی این این کے مطابق آئی سی سی ٹی ٹونٹی ورلڈ کپ 17 اکتوبر سے شروع ہو گا  اور فائنل 14 نومبر کو  کھیلا جائے گا۔ بھارتی بورڈ نے ورلڈ کپ متحدہ عرب امارات منتقل کرنے کے لئے باضابطہ طور پر لکھنا ہے۔آئی سی سی ٹی ٹونٹی ورلڈ کپ کا میزبان بھارت ہے۔

کرکٹ کی معروف  ویب سائٹ  کی رپورٹ کے مطابق  ٹیموں کو دو گروپوں میں تقسیم کیا گیا ہے۔ پہلے مرحلے کے میچز متحدہ عرب امارات اور اومان میں کھیلے جائیں گے۔ اس مرحلے کے دوران بارہ میچز کھیلے جائیں گے، جس میں آٹھ ٹیمیں حصہ لیں گی ،ان آٹھ ٹیموں  میں بنگلا دیش، سری لنکا، آئر لینڈ، ہالینڈ، سکاٹ لینڈ، نیمبیا ، اومان اور پاپوا نیو گنی شامل ہیں  اور  ان میں سے چار ٹیمیں کوالیفائی کریں گی۔

چار ٹیموں کے کوالیفائی کرنے کے بعد اگلے مرحلے میں 12 ٹیمیں 30 میچز کھیلیں گی، یہ میچز متحدہ عرب امارات، دبئی، ابو ظہبی اور شارجہ میں ہوں گے، اس کے بعد تین پلے آف گیمز ہوں گے جبکہ دو سیمی فائنل کھیلے جائیں گے، جس کے بعد فائنل میچ ہو گا۔

خیال رہے کہ   یکم جون کو آئی سی سی نے بھارتی بورڈ کو جون کے آخر تک وینیوکے بارے میں بتانے کا کہا تھا ۔ کورونا وائرس کے وباء کے باعث انڈیا میں ورلڈ کپ انعقاد ممکن نہیں ہے۔

بھارت میں گزشتہ چند ماہ کے دوران کورونا وائرس کے کیسز نے ہر طرف خوف کا عالم چھایا ہوا تھا جس کے باعث بھارت میں ہونے والی آئی پی ایل کو ملتوی کر دیا گیا  تھا۔