برطانوی وزیر صحت اپنی "غیر اخلاقی" ویڈیو وائرل ہونے پر عہدے سے مستعفی

غیرملکی خبررساں ادارے کی رپورٹ کے مطابق برطانوی وزیر صحت میٹ ہینکاک کو ویڈیو اسکینڈل سامنے آنے پر اپوزیشن کی جانب سے کڑی تنقید کا سامنا تھا۔

اس ویڈیو کے سامنے آنے کے بعد اپوزیشن ارکان پارلیمنٹ نے میٹ ہینکاک سے مطالبہ کیا ہے کہ وہ کورونا وبا کے دوران سماجی دوری کے قانون کی خلاف ورزی کرنے پر عہدے سے مستعفی ہوجائیں۔

دوسری جانب برطانیہ کے وزیراعظم بورس جانسن نے کہا ہے کہ یہ معاملہ اب ختم ہو گیا ہے اور انہیں میٹ ہنکاک پر پورا اعتماد ہے۔

برطانوی وزیر صحت نے اپنے استعفے میں لکھا ہے کہ ہم ان تمام لوگوں کے احسان مند ہیں جنہوں نے کورونا وبا کے دوران قربانیاں دیں۔ میں نے کورونا ایس او پیز کو توڑ کر ان تمام لوگوں کا بھروسہ توڑا ہے ۔

اس کے جواب میں بورس جانس نے کہا کہ آپ کو اپنی خدمات پر فخر ہونا چاہئے۔ میں آپ کے مسلسل تعاون کے لیے شکر گزار ہوں اور مجھے یقین ہے کہ عوام کے لیے آپ کی خدمات کا سفر جاری رہے گا۔

میٹ ہینکاک اور گینا کولاڈ اینجلیو دونوں ہی شادی شدہ ہیں اور دونوں کے 3،3 بچے ہیں۔