اسحاق ڈار ای سی او اجلاس میں شرکت کے لیے ایران روانہ

نائب وزیراعظم و وزیرخارجہ اسحاق ڈار اقتصادی تعاون تنظیم(ای سی او) کےوزارتی اجلاس میں شرکت کے لیے ایران روانہ ہو گئے ہیں،ای سی او کا اجلاس ایران کے شہر مشہد میں آج اور کل ہو رہا ہے۔

یہ پہلا موقع ہے جب مشہد میں ای سی او کا اجلاس ہو رہا ہے،ای سی او کے سیکریٹری جنرل کا عہدہ پاکستان کے پاس ہے، اور اس اجلاس میں سیکریٹری جنرل ڈاکٹر اسد مجید اسحاق ڈار سے ملاقات کریں گے۔

واضح  رہے کہ 2017 میں پاکستان میں ای سی او مشن طے پایا تھا، جس کا مقصد اقتصادی تعاون کو فروغ دینا ہے۔ اس اجلاس میں مختلف ممالک کے وزرائے خارجہ شرکت کریں گے تاکہ علاقائی ترقی اور اقتصادی شراکت داری کے حوالے سے گفتگو کی جا سکے۔