مقامی گولڈ مارکیٹس میں سونے کی قیمت میں ایک بار پھر اضافہ

عالمی و مقامی گولڈ مارکیٹس میں سونے کی قیمت میں ایک روز بعد پھر اضافہ دیکھا جارہا ہے۔

اس باعث مقامی صرافہ مارکیٹوں میں بھی منگل کو 24 قیراط کے حامل فی تولہ سونے کی قیمت 700 روپے کے اضافے سے 2 لاکھ 75 ہزار 200 روپے کی سطح پر آگئی اور دس گرام سونے کی قیمت بھی 600 روپے کے اضافے سے 2 لاکھ 35 ہزار 940 روپے کی سطح پر آگئی۔ 

 دوسری جانب عالمی مارکیٹ میں بھی سونے کی قیمت میں 7 ڈالر فی اونس اضافے کے بعد قیمت 2640  ڈالر ہوگئی ہے۔

اس کے برعکس فی تولہ چاندی کی قیمت بغیر کسی تبدیلی کے 3400روپے اور 10گرام چاندی کی قیمت بھی بغیر کسی تبدیلی کے 2914.95روپے کی سطح پر مستحکم رہی۔