انڈر 19 ایشیا کپ: بنگلہ دیش نے بھا رت کو شکست دے کر ٹائٹل اپنے نام کر لیا

بنگلا دیش نے  فائنل میں بھارت کو شکست دے کر انڈر 19 ایشیا کپ کا ٹائٹل جیت لیا۔

دبئی میں کھیلے گئے انڈر 19 ایشیا کپ کے فائنل میں بنگلا دیش نے بھارت کو 59 رنز سے شکست دے کر ٹائٹل جیت لیا۔

بنگلا دیش نے پہلے بلےبازی  کرتے ہوئے 49.1 اورز میں 198 رنز بنائے اور پوری ٹیم پویلین لوٹ گئی۔ بنگلہ دیش کی جانب سے رزان ہوسن نے 47 رنز کی  نمایاں اننگ کھیلی۔

بھارت کی جانب سے چیتن شرما اور ہاردک راج نے دو ، دو  وکٹیں حاصل کیں ۔

بنگلہ دیش کی جانب سے دیے گئے ہدف کے تعاقب میں بھارتی ٹیم 35.2 اووز میں 139 رنز پر ڈھیر ہو گئی۔

بھارت کی جانب سے کپتان محمد امان 26 رنز کے ساتھ نمایاں رہے۔

جبکہ بنگلا دیش کی جانب سے اقبال حسین اور عزیزالحکم نے تین، تین وکٹیں حاصل کیں۔

واضح رہے کہ آج ہی بھارت کی قومی ٹیم ( روہت شرما الیون ) کو  ایڈیلیڈ ٹیسٹ میں آسٹریلیا کے ہاتھوں 10 وکٹوں سے عبرتناک شکست  ہوئی ہے۔