عمادوسیم نے انٹرنیشنل کرکٹ سے ریٹائرمنٹ لینے کا اعلان کر دیا

پاکستان کرکٹ ٹیم کے مایہ نازآل راؤنڈرعماد وسیم نےانٹرنیشنل کرکٹ سے ریٹائرمنٹ کا اعلان کردیا۔

عماد وسیم نے سوشل میڈیا  پر جاری  کیے گئے پیغام میں لکھا کہ ’ بڑی سوچ بچار کے بعد انٹرنیشنل کرکٹ سے ریٹائرمنٹ کا فیصلہ کیا ہے ، پاکستان کی نمائندگی کرنا میری زندگی کا بہت بڑا اعزاز ہے‘ ۔

عماد وسیم نے اپنی پوسٹ میں مزید  لکھا کہ میں ڈومیسٹک اور فرنچائز کرکٹ میں اپنا سفر جاری رکھوں گا۔

واضح رہے کہ اس سے قبل  عماد وسیم نے ٹی ٹوئنٹی ورلڈکپ سے پہلے ریٹائرمنٹ واپس لی تھی۔