معروف ٹک ٹاکر رجب بٹ کوگرفتارکرلیاگیا۔

ٹک ٹاکر رجب بٹ  کو اپنی شادی پر شیر کا بچہ گفٹ ملا تھا،رجب  بٹ کو لائسنس کے بغیر غیر قانونی نومولود شیر کا بچہ گفٹ لینے پر گرفتار کیا گیا ہے۔

پولیس نے ان کی گرفتاری کے لیے محکمہ وائلڈ لائف کے ہمراہ ان کے گھر پارک ویو چھاپہ مارا  اور ان کو حراست میں لیا، چھاپے کے دوران رجب بٹ سے غیرقانونی کلاشنکوف بھی برآمد ہوئی،ملزم کے خلاف ناجائز کلاشنکوف رکھنے کا مقدمہ درج کرلیا گیا ہے۔

محکمہ وائلڈ لائف نے رجب بٹ کوگرفتار کر کے پولیس کی تحویل میں دے دیا۔ 

واضح  رہے کہ گزشتہ دنوں رجب بٹ اپنی شادی پر بے تحاشا پیسہ خرچ کرنے اور مہمانوں پر ڈالر لٹانے کی وجہ سے بھی خبروں میں تھے۔

سینیٹ  اور قومی اسمبلی  کے اجلاس آج ہوں گے، جس کے ایجنڈے بھی جاری کردیے گئے ہیں۔

سینیٹ کا اجلاس آج شام 4 بجے ہوگا جس کا 32 نکاتی ایجنڈا جاری کیا گیا ہے، ایجنڈے کے مطابق اجلاس میں سینیٹرز کی جانب سے مختلف بلز متعارف کرائے جائیں گے جبکہ قومی اسمبلی سے منظور پاکستان سائیکالوجیکل کونسل بل2024 پیش ہوگا۔

اجلاس میں ذیشان خانزادہ زرعی ٹیکس نفاذ کے متعلق بحث کیلئے تحریک پیش کریں گے اور کامران مرتضیٰ منشیات کے عادی افراد کی تعداد میں اضافے پر تحریک پیش کریں گے۔

اس کے علاوہ پیپلزپارٹی کے سینیٹر شہادت اعوان ایوان میں بل پیش کریں گے، مختلف بلز پر قائمہ کمیٹیز کی رپورٹس ایوان میں پیش کی جائیں گی۔

قومی اسمبلی اجلاس

دوسری جانب قومی اسمبلی کا اجلاس شام 5 بجے پارلیمنٹ ہاؤس میں ہوگا جس کا 10 نکاتی ایجنڈا جاری کردیا گیا ہے، ایجنڈے میں لازمی، ثانوی روٹس پر نجی ایئرلائنز پروازیں شروع نہ کرنے پر توجہ دلاؤ نوٹس شامل ہے جبکہ وقفہ سوالات کے دوران ارکان کے مختلف سوالات کےجوابات دیئےجائیں گے۔

وزیر قانون دونوں ایوانوں سے صدر کے خطاب پر بحث کی تحریک پیش کریں گے جبکہ اس دوران ارکان نکتہ اعتراضات پر اہم نوعیت کے امور پر بھی بات کریں گے۔

اجلاس میں وزیرداخلہ سینیٹ سے منظور نیشنل فارنزک ایجنسی بل 2024 پیش کریں گے جبکہ وزیرمملکت آئی ٹی ڈیجیٹل نیشن پاکستان پاکستان بل 2024 ایوان میں پیش کریں گی۔

 پاک فوج کے شعبہ تعلقات عامہ آئی ایس پی آرکے مطابق سربراہ پاک بحریہ ایڈمرل نوید اشرف نے بحرین کا دورہ کیا ،دورے کے دوران اعلیٰ سول اور فوجی قیادت سے ملاقاتیں کیں۔

 نیول چیف کی مملکت بحرین کے ولی عہد، وزیراعظم اور ڈپٹی سپریم کمانڈر بحرین ڈیفینس فورسز، سلطا ن بن حماد الخلیفہ سے الگ ملاقات کے دوران باہمی دفاعی تعلقات پر تفصیلی مشاورت ہوئی ، کمانڈ ر بحر ین ڈیفنس فورسز؛ فیلڈ مارشل شیخ خلیفہ بن احمد الخلیفہ، کمانڈر بحرین نیشنل گارڑ،جنرل شیخ محمد بن عیسی بن سلمان اور کمانڈر رائل بحرین نیول فورس ریئر ایڈمرل احمد محمد ابراہیم البن علی سے بھی تفصیلی ملاقاتیں ہو ئیں ۔
نیول چیف کی مملکت بحرین کے بادشاہ حماد بن عیسی الخلیفہ سے تفصیلی ملاقات ہوئی،ملاقات میں دفاعی تعاون کو مضبوط بنانے اور دونوں ممالک کے مابین تاریخی تعلقات کو مستحکم کرنے پر تبادلہ خیال کیا گیا ۔

ملاقاتوں میں باہمی دلچسپی کے سیکورٹی امور اور دو طرفہ دفاعی تعاون کو مزید بڑھانے پر تبادلہ خیال کیا گیا ، نیول چیف نے رائل بحرین ڈیفینس فورس کے جنگی جہاز منامہ اور رائل کمانڈ اینڈ سٹاف کالج کا بھی دورہ کیا۔