بلوچستان: منفی درجہ حرارت ہونے کے باعث گیس پائپ  لائن جم گئی،سپلائی متاثر

کوئٹہ:بلوچستان میں درجہ حرارت  منفی 6ڈگری  ہونے کے باعث 18انچ قطر کی گیس پائپ لائن جم گئی ہے، جس سے مختلف علاقوں کی سپلائی متاثر ہوگئی۔

ترجمان سوئی سدرن گیس کے مطابق ریگولیٹرز آئسنگ کے باعث گیس کی فراہمی متاثر ہو رہی ہے، جس کی وجہ سے کوئٹہ، پشین، کچلاک، بوستان اور زیارت میں گیس کی سپلائی متاثر ہوئی،ان کا مزید کہنا تھا کہ پائپ لائن سیٹ 130 کی بجائے 20 پی ایس آئی جی پر کام کر رہی ہے۔

ترجمان نے بتایا کہ سوئی سدرن کی تکنیکی ٹیمیں صبح چھ بجے سے اس پر کام کر رہی ہیں،جبکہ دوسری جانب محکمہ موسمیات نے بلوچستان کے بیشتر اضلاع میں موسم سرد اور خشک رہنے کی پیشگوئی کر رکھی ہے۔