افغانستان : مسافر بسیں ٹینکرز سے ٹکرا  گئیں، 52 افراد ہلاک

کابل:افغانستان کے صوبہ غزنی میں مسافر بسوں کو پیش آنے والے دو مختلف حادثات کے نتیجے میں کم از کم 52 افراد ہلاک اور 60 سے زائد زخمی ہو گئے۔

غیر ملکی میڈٰیا کے مطابق افغانستان کے جنوب مشرقی صوبے غزنی میں کابل اور قندھار کو جوڑنے والے ہائی وے پر مسافر بس ایک آئل ٹینکر سے ٹکرا گئی جس کے باعث 52 افراد ہلاک اور 65 افراد زخمی ہو گئے۔

غزنی کے انفارمیشن اور کلچرل ڈپارٹمنٹ کے سربراہ حامد اللہ نثار کا کہنا ہے کہ ایک مسافر بس وسطی غزنی کے گاؤں شہباز کے قریب آئل ٹینکر سے ٹکرائی جبکہ دوسری مسافر بس کو حادثہ ضلع اندار میں پیش آیا۔

طالبان حکام کے مطابق حادثے کے نتیجے میں زخمی ہونے والوں کو طبی امداد کے لیے قریبی اسپتال منتقل کردیا گیا ہے جہاں ان کی دیکھ بھال کی جا رہی ہے جب کہ بسز حادثے کے واقعات کی تحقیقات کی جا رہی ہیں۔