مداراس رجسٹریشن بل: حکومت نے اتحاد تنظیم المدارس دینیہ کے تمام مطالبات تسلیم کرلیے

اسلام آباد:مدارس رجسٹریشن کے معاملےپر بریک تھرو  ہوگیا  ہے  اور  حکومت نے اتحاد تنظیمات مدارس کے تمام مطالبات تسلیم کرلیے ہیں۔

ذرائع کا کہنا ہے کہ وزارت قانون وزیر اعظم اور مولانا فضل الرحمان کے درمیان ملاقات کی روشنی میں نوٹیفکیشن جاری کرے گی۔

ذرائع کے مطابق حکومت نے اتحاد تنظیمات مدارس کے تمام مطالبات تسلیم کرلیے ہیں۔

ذرائع کا کہنا ہےکہ حکومت نے مدارس کی  رجسٹریشن سوسائٹیز رجسٹریشن ایکٹ 1860 کے تحت ہی کرنے کی یقن دہانی کرائی ہے۔

واضح رہےکہ گزشتہ روز سربراہ جے یو آئی مولانا فضل الرحمان نے  وزیراعظم شہبازشریف  کے درمیان ملاقات ہوئی تھی۔

ملاقات کے بعد مولانا فضل الرحمان نے میڈیا سے گفتگو کرتے ہوئے کہا تھا کہ ہمارے مؤقف کا انتہائی مثبت جواب دیا گیا ہے اور وزیراعظم نے وزارت قانون کو فوری ہدایات کیں کہ قانون و آئین کے مطابق عملی اقدامات کریں، اس کے بعد امید ہے آئین و قانون کےمطابق عملی اقدامات ہمارےمطالبات کے مطابق ہوں گے۔