کورونا وائرس کے پیش نظر این سی او سی کا اہم فیصلہ

تفصیلات کے مطابق این سی او سی نے پیٹرول پمپ، میڈیکل سٹور سمیت ضروریات کے اہم کاروباروں کو 24/7 کھلنے کی اجازت دے دی ہے ۔

این سی او سی نے آوٹ ڈور ڈائن ان کی اجازت دیتے ہوئے ان ڈور پر 50 فیصد کی پابندی عائدرکھنے کا فیصلہ کیا ہے ۔ صرف ویکسین لگوانے والے افراد ہی ان ڈور ڈائن ان کی سہولت حاصل کر سکیں گے۔ہوٹلز اور ریسٹورنٹس انتظامیہ کی جانب سے ویکسینیشن سرٹیفیکیٹ چیک کرنے کا لائحہ عمل بنایا جائے گا ۔

این سی او سی کے مطابق شادی کی تقریب آوٹ ڈور 400 افراد کی گنجائش سے کرنے کی اجازت ہو گی۔200 افراد تک ویکسینیٹڈ افراد ان ڈور شادی کی تقریب میں شریک ہوسکیں گے۔

این سی او سی کی جانب سے رات ایک بجے تک ویکسینیشن شدہ افراد کے لیے سینماز کھولنے کی بھی اجازت دے دی گئی ہے ۔