سوشل میڈیا پر جھوٹا پراپیگنڈا کرنے والے مزید 11 ملزمان کو نوٹسز جاری

اسلام آباد:آئی جی اسلام آباد کی جانب سے سوشل میڈیا پر جھوٹا پروپیگنڈا کرنے والے مزید 11 ملزمان کو نوٹسز جاری کردیے گئے۔

جن ملزمان کو نوٹسزجاری کیے گئے ہیں ان میں  صبغت اللہ ورک، محمد ارشد، عطاالرحمان، اظہر مشوانی، عروسہ ندیم شاہ، محمد علی ملک، شاہ زیب ورک، موسیٰ ورک، اکرام کٹھانہ، تقویم صدیق اور محمد نعمان افضل کو جاری کئے گئے۔

 ذرائع کے مطابق نوٹس میں جے آئی ٹی نے ملزمان کو 24 دسمبر کو طلب کیا تھا، ان ملزمان نےسوشل میڈیا پر جھوٹے پروپیگنڈےکے ذریعے پاکستان میں انتشار پھیلایا۔
وفاقی حکومت نے سوشل میڈیا پر جرائم کی روک تھام کے لیے ایکٹ 2016 کے سیکشن 30 کے مطابق آئی جی اسلام آباد کے ماتحت ایک مشترکہ تحقیقاتی ٹیم کی تشکیل دے رکھی ہےجو ملزمان اور ان کے ساتھیوں کے پسِ پردہ مقاصد کا تعین کرنے کے لیے معاملے کی تحقیقات کر رہی ہے۔
ذرائع کے مطابق مزید مجرموں کی شناخت اور ان کے خلاف قابل اطلاق قوانین کے تحت کارروائی عمل میں لائی جا رہی ہے، جے آئی ٹی کے پاس ملزمان کے خلاف ٹھوس شواہد بھی موجود ہیں۔