بانی پی ٹی آئی سے ملاقات، بشریٰ بی بی اڈیالہ جیل پہنچ گئیں

بانی پی ٹی آئی سے ملنے بشریٰ بی بی، بیرسٹر گوہر اور دیگر رہنما اڈیالہ جیل پہنچ گئے، ان کی بہنوں کی آمد بھی متوقع ہے۔

آج اڈیالہ جیل میں عمران خان سے ملاقاتوں کا دن ہے، سپریم کورٹ بار کے سابق صدر قاضی انور، وکیل علی بخاری، وکیل علی اعجاز بٹر اڈیالہ جیل پہنچ گئے،  بانی پی ٹی آئی کی بہنوں کی اڈیالہ جیل آمد بھی متوقع ہے، پی ٹی آئی مذاکراتی کمیٹی ممبران کی اڈیالہ جیل آمد بھی متوقع ہے۔

عمران خان کی اہلیہ بشریٰ بی بی خیبرپختونخوا کے سرکاری پروٹوکول میں اڈیالہ جیل پہنچیں، بشری بی بی کے سرکاری پروٹوکول کی کمانڈ ڈی ایس پی رینک کے افسر نے کی۔

بشریٰ بی بی کو اڈیالہ جیل داخلے کی اجازت مل گئی، بشریٰ بی بی بلٹ پروف گاڑی میں اڈیالہ جیل کے اندر گئیں۔