پاکستانی شوہر کو چھوڑ کر بھارت میں پسند کی شادی کرنیوالی سیما حیدر کے ہاں بچے کی پیدائش متوقع

پاکستان میں شوہر کو چھوڑ کر بھارت جا کر محبت کی شادی کرنے والی خاتون و سیما حیدر کے ہاں بچے کی پیدائش متوقع ہے۔

سیما حیدر پسند کی شادی کے لیے اپنے 4 بچوں کو چھوڑ کر بھارت چلی گئی تھی جہاں انہوں نے ایک ہندو لڑکے سچن مینا سے دوسری شادی کر لی تھی ۔
 حال ہی میں سیماحیدر نے اپنے شوہر سچن مینا کے ساتھ سوشل میڈیا پر ویڈیو کے ذریعے امید سے ہونے کی اطلاع دی۔ 
ویڈیو میں سیما حیدر اور سچن مینا نے اپنے ہونے والے بچے کے لیے خوشی کا اظہار کیا۔
واضح رہے کہ پاکستان سے تعلق رکھنے والی سیما حیدر اور بھارت کے رہائشی سچن مینا کی دوستی2019 میں پب جی گیم کے ذریعے ہوئی تھی، جس کے بعد سیما حیدر مئی 2023 میں اپنے چاروں بچوں کو لے کر نیپال کے ذریعے بھارت پہنچی تھی، جہاں اس نے ہندو مت اختیار کرکے سچن مینا سے شادی کر لی تھی۔
بھارت جانے کے بعد سیما حیدر کے پہلے شوہر غلام حیدر نے اس پر مقدمہ بھی دائر کیا تھا۔ 
جبکہ دوسری جانب بھارتی ریاست اترپردیش کی پولیس نے سیما حیدر کو پاکستانی جاسوس ہونے کے شبے میں سچن مینا سمیت گرفتار کیا تھا تاہم بعد میںان کو رہا کردیاگیا تھا۔