9 مئی کو وہ کیا گیا جو بھارت کی فوج بھی نہ کرسکی ، ایاز صادق

اسپیکر قومی اسمبلی سردار ایاز صادق نے کہا ہے کہ 9 مئی کو وہ کیا گیا جو بھارت کی فوج بھی نہ کرسکی۔

اسپیکر قومی اسمبلی سردار ایاز صادق نے تقریب سے خطاب کرتے ہوئے کہا کہ جس جماعت نے پونے 4 سال بات کرنے سے انکار کیا انہوں نے مجھ سے اپیل کی، تلخیاں اپنی جگہ لیکن بات چیت ضروری ہے۔

انہوں نے کہا کہ ہم لوگ 9 مئی کا ذکر کرنے سے کتراتے ہیں، 9 مئی کو وہ کیا گیا جو بھارت کی فوج بھی نہ کرسکی، کیا پہلی بار ملٹری کورٹس سے سزائیں ہوئی ہیں؟

ان کا کہنا تھا کہ دہشتگردی مرکز یا صوبوں کی ذمے داری نہیں پاکستان کی ذمےداری ہے، آپریشن ردالفساد اور ضرب عضب میں اربوں روپے خرچ ہوئے، پاکستان معاشی بحران سے بھی گزر رہا تھا اور جنگ بھی ضروری تھی۔

سردار ایاز صادق نے مزید کہا کہ سپاہیوں اور حوالداروں پر فخر ہے جنہوں نے جانیں قربان کیں، 9 مئی کو گورنر ہاؤس اور وزیراعلیٰ ہاؤس پر حملے نہیں کیے گئے۔