عالمی بینک نے پاکستان کیلئے80 کروڑ ڈالرز قرض کی منظوری دیدی

تفصیلات کے مطابق عالمی بینک کے مطابق قرض کی رقم پاور سیکٹر اور تعلیم وصحت پر خرچ کی جائے گی  جبکہ  40 کروڑ ڈالرز پاور سیکٹر اصلاحات پروگرام پر خرچ کیے جائیں گےجبکہ  40 کروڑ ڈالرز تعلیم اور صحت پر خرچ ہوں گے ۔عالمی بینک کے جاری کردہ اعلامیہ کے مطابق پاکستان کیلئے منظورکی جانے والی فنانسنگ میں سے 40 کروڑ ڈالر پاکستان پروگرامنگ فار ایفورڈ ایبل اینڈ کلین انرجی(پی اے سی) کیلئے منظور کئے گئے ہیں جبکہ 40 کروڑ ڈالر کی دوسری فنانسنگ ہیومن انویسٹمنٹ ٹو فوسٹر ٹرانسمیشن منصوبے کے لیے منظور کئے گئے ہیں۔

عالمی بینک اعلامیہ میں بتایا گیا ہے کہ پاکستان کو درپیش مالی چیلنجز سے نمٹنے کیلئے پاورسیکٹر ریفارمز انتہائی اہم ہیں اس سے انرجی مکس کی صورتحال بہترہوگی اوربجلی کی پیداواری لاگت میں کمی واقع ہوگی، اس کے علاوہ گردشی قرضے میں کمی واقع ہوگی اور ملک میں توانائی کے شعبہ میں پائداری آئے گی ۔

اعلامیہ کے مطابق پاکستان کیلئے منظورکئے جانے والے 40 کروڑ ڈالر کے دوسرے منصوبے سے ملک میں صحت اورایجوکیشن سروسزمیں بہتری آئے گی اوراس سے غریب ومتوسط طبقے کیلئے آمدن بڑھانے کے مواقع بڑھیں گے جس سے اقتصادی کی ترقیاتی کی رفتاربہترہوگی۔

مزید پڑھیں :پلوامہ کے بعد ڈرون کا ڈرامہ، بھارت میں بھی سوال اٹھنے لگے