شام: تر ک اور سیرین ڈیموکریٹک فورسز کے مابین جھڑپوں سے 120 افراد ہلاک

دمشق:  شمالی شام میں ترک فورسز اور سیرین ڈیموکریٹک فورسز میں خونی جھڑپوں اور اس کے نتیجے میں ہونے والی ہلاکتوں کا سلسلہ جاری ہے۔
شام میں انسانی حقوق کے ادارےسیریئن آبزرویٹری فار ہیومن رائٹس کے مطابق جھڑپوں میں 120 افراد جاں بحق ہو چکے ہیں،شام میں نبع السلام اور ابو راسین کے علاقوں میں بھاری گولہ بارود کا استعمال کیا جارہا ہے۔
دوسری جانب عالمی میڈیا کے مطابق شمالی شام تشرین ڈیم اور قرہ کوساک پل کے آس پاس بھی جھڑپیں جاری ہیں، جھڑپوں کے دوران بڑے پیمانے پر جانی نقصان کا خدشہ ہے۔